एक कदम प्रधानमंत्री के संग – A step with the prime minister


Pehli baar humare desh ko ek aise pradhanmantri mila hai jinko dekhkar wakai me aisa lagta hai ki haan yehi hai wo insaan jo desh ko lead karne me aur aage badane me purna roop se saksham hai. Unke tewar aur desh prem ki bhawna dekhkar andar se ye vishwash jaag uthta hai ki ab desh ko aage badne se koi nahi rokh sakta hai. Ye vishwash tab aur jyada gehra ho jata hai jab unke virodhi ke baato me “J” ki boo aati hai. Aajkal Virodhiyon ke chehre aur baaton me ghabrahat aur darr saaf dikhai de raha hai. Virodh karne ke liye kuch bacha nahi to purani ghisi piti baaton ko lekar hi baith jate hai humesha. Virodhiyon ka ye darr kis kadar bad gaya hai iska andaza aap isi baat se laga sakte hai ki desh ka pradhanmantri antarashtriya manch par apni maa ke prati apni sangvedna vyakt kar rahe hai aur wo unke is bhawna ka apmaan karte hai. Are itna bhi mat giro apni gandi rajneeti ke liye. Rajneetik kataksh to samajh me aata hai lekin jo kisi dusre ke bhawnao ka samman nahi kar sakte wo desh ka samman kya karega.

Khir choriye virodhiyon ko, unko apna kaam karne digiye lekin main un sabhi se anurodh karna chahta hu jo sach me desh ka bhala chahte hai wo ab khulke saamne aaye aur desh ko aage badane me humare pradhanmantri ka saath de. Kyuki ye hum sabke liye ek sunhara awsar hai desh ko fir se sone ki chidiya banane ka.

Kyuki desh ko lead karne wala aise pradhanmantri desh ko baar baar nasib nahi hota. Hum sab ka ye kartavya banta hai ki hum apne apne star par kuch na kuch desh ke bhalai ke liye contribute kare aur pradhanmantri ke saath kadam se kadam milakar desh ko bahot aage badhaye.

Mai aapko ye bata du ki main kisi bhi party ka karyakarta ya pracharak nahi hu. balki mai har us insaan ka samarthak hu jo insaniyat ka pakshdhar ho na ki kisi dharm ya sampraday ka.

Mera manna hai ki hum aam janta hai koi neta nahi aur isliye humara ray aur soch aam janta ke liye hi honi chahiye na ki kisi rajneetik party vishesh ke liya ya jaati aur dharm ke aadhar par.
Modi ji me mujhe desh ka sunhara future saaf saaf dikhta hai isliye main Modi ji ka samarthan karta hu. Mujhe bjp, congress, AAP ya kisi aur party se koi lena dena nahi hai.

Mai waise to Kejriwal ka bhi fan hu. unme bhi desh prem ki jhalak dikhti hai aur wo bhi desh ke liye bahot kuch karna chahte hai lekin unke saath ek problem hai ki wo bahot jyada nagative vichar ke vyakti hai. Unme achhi niyat to hai lekin unka nagative thinking mujhe achha nahi lagta hai. Har baat ke liye Modi ji ko jimmedaar thehra dete hai. Unki ye baat mujhe achhi nahi lagti hai. Aake paas karne ko jitna hai pehle wo to kigiye sirf dusro ko blame karte rehte hai. Aapko to pehle se hi pata tha ki Delhi ek kendra shasit pradesh hai aur waha mukhyamantri ke adhikar simit hai fir aapko kisi ko bhi blame karne ka koi adhikar nahi hai. Delhi ki janta ko bhi ye sari baate pata hai aur iske bawjood aapko bhari mato se jitaya hai aur isliye filhaal aapko sirf aur sirf Delhi ki janta ke liye hi sochna chahiye aur aapke adhikar ke antargat jo jo kaam aata hai pehle unko pura karna chahiye. Modi ji ko blame karke kuch nahi milega wo humare desh ke pradhanmantri hai aur pure desh ke bare me sochte hai. Aur aapne star ka kaam bahot achhe tarike se kar rahe hai.

Chhoti moti baaton pe unko blame karna kisi bhi prakar se sahi nahi hai. Internal samashyaon ke liye har rajya ka apna apna mukhyamantri hai. Kisi bhi prakar ka internal samashyaon ke liye jimmedari rajya sarkar ki honi chahiye na ki kendra sarkar ki. Agar modi ji hi akele sara kaam karenge to Mukhyamantrion ki jaroorat hi kya hai. Fir to saare mukhyamantriyon ko retirement le leni chahiye sabkuch modi ji hi samhal lenge.

Kisi bhi desh ke pradhanmantri ko jitna kaam karna chahiye unse 10 guna kaam kar rahe hai humare Pradhanmantri ji. Desh ke pradhan mantri kaa kaam antarashtsriya star par desh ko aage badane ka aur desh ki surakha ka hota hai aur baaki ka kaam rajya sarkar ki honi chahiye. Lekin virodhi chahte hai ki unke ghar ka kaam bhi Pradhanmantri ji hi aake karde. Tab unko lagega ki haa ab pradhanmantri kuch kaam kar rahe hai.

Are jo vyakti desh ki rashtra bhasha ko aage badhane ke liye antarashtriya manch par Hindi me bolte hai. Desh ki hi nahi pure vishwa ki ekta ke liye manavta ki baat karte hai. Desh ki janta se humesha jude rehne ke liye koi bhi avshar nahi chorte unki deshbhakti pe aap saq karte hai. Aur har baat ko raajneeti se jod dete hai. Ye kaisi raajneeti hai. Nhi chahiye hume aisi raajneeti jo rajya ki nahi balki sirf apne hit ke liye ho. Nhi chahiye aise neta jo desh ki janta se judne ki wajay apni angeri ko promore karta fire.

Hume apne pradhanmantri par pura bharosha hai aur isliye hum ye kasam khate hai ki hum apni taraf se koi bhi aisa kaam nahi karenge jo kisi bhi prakar se desh ke liye sahi nahi ho aur desh hit ke liye koi bhi contibution ka mouka kabhi nahi chorenge. Aur mujhe ye lagta hai ki har Hindushtani ke liye ye ek achha mouka hai ki wo bhi apni taraf se kuch na kuch desh ke liye jaroor kare kyuki ek akele pradhanmanti pe hum sara bhar nahi daal sakte hum sabko milkar desh ko upar uthana hai.

Jai Hind

मैं आरक्षण विरोधी हूँ Stop reservation system


Koi aarakshan ko hatwao yaar. Desh barbaad ho raha hai iske karan. Gadhe ghode ka mukhouta pehan ke aam logo ko gadha bana raha hai aur desh ko khai me dhakel raha hai. Jinhone bhi aarakshan system ko banaya hoga mai ye nahi keh raha ki kuch galat soch ke banaya tha beshak wo garibo ki bhalai sochke banaya tha lekin jati ke aadhar par categories karke unhone bahot badi galti kar di. Ab isko badalne ki sakht jaroorat hai. Jaha tak maine suna hai Dr. Ambedkar ne peechhdi warg ke logo ko aage badane ke liye sirf 10 saal ke liye ye kanoon banaya tha lekin humare rajnetao ne apni raajneeti sekne ke liye isko aage badha diya aur aaj tak ispar raajneeti kar rahe hai.

Aarakshan ka bahot jyada galat istmaal ho raha hai. Iske chakkar me humara desh bhed bakriyon ka desh banta ja raha hai aur shero ki sankhya ghatti ja rahi hai aap to dekh hi rahe hai kya ho raha hai.

Bahot dukh hota hai jab dekhta hu un logo ko jo apni mehnat aur kabiliyat se kisi tarah pahad ki choti par chadta hai aur dekhta hai ki sarkar ne pehle hi helicopter se ek aise aadmi ko us choti par baitha rakha hai jisko sidi bhi chadna nahi aata.

Ha mai aarakshan virodhi hu kyuki ye desh ko sahi mayne me aage badne se rok raha hai. Mujhe is baat ki bahot chinta hoti hai ki humare desh me talent ki koi kumi nahi hai besumar aise log hai jo desh ko aage badne me madad kar sakte hai lekin firbhi aarakshan wale ghatiya system ke chalte unko sahi se aage badne nahi diya jata. Mai aarakshan virodhi isliye hu kyuki iska labh sahi jagah pe nahi pahuch raha hai.

Aur kitna tukde karoge yaar desh ke. Alag alag dharm me to already bate hue hai aur upar se inme bhi SC/ST, OBC, GEN. Kya hai ye sab aur kitne tukde karoge insaan ka apne raajneetik swarth ke liye.

Sarkar aarakshan dekar logo ko aur aalsi bana raha hai logo ke hunar ko dabane ki koshish kar raha hai. Ab to bhed bakriyaan bhi befikra ho gaye hai aur jangal ko gherne ke liye apni senaye bada rahe hai bhai sarkar aarakshan rupi hathiyaar jo de rahe hai unko to darr kis baat ka. Bura mat maniyega koi, bas man ki bhadash nikal raha hu. Waise mai kisi ke khilap nahi hu. Mai to bas prem ka samarthak hu.

Agar desh ko sach me aage le jana hai to sabse pehle ye aarakshan system band karo aur talant ke aadhar par naukri do. Sirf aur sirf talant ki kadar karo na ki kisi jaat ki chahe wo koi bhi jaati ke ho tabhi ye desh sahi mayne me aage bad sakta hai.

The world is your family – ये दुनिया आपका परिवार है


Dunia me jitne bhi problems hai un sare problems ka hal ho sakta hai. Agar hum sirf apna soch ka dayra bada karle. Fir aur kuch karne ki aawashyakta hi nahi rahegi.

Dunia me har kisi me ek baat to common hai ki wo apne baare me sochta hi hai. Jaise ye chij meri hai, mai ye karna chahta hu, ye mai hone nahi dunga etc. Kehne ka matlab ki dunia me har insaan kum se kum apne liye to achha hi sochta hai.

Ab inme se jyadatar log aise hote hai jo ki apne alawa apne pariwar ke liye bhi sochta hai aur unke liye kuch bhi karne ko taiyar hota hai. Ki ye mera ghar hai mera pariwar hai aur mai apne ghar aur pariwar ke liye kuch bhi kar sakta hu. Mai apne ghar ko swachh rakhunga, apne pariwar par aanch bhi nahi aane dunga ya dungi etc. Aur aisa wo kisi ke dabaw me aakar nahi balki apne dil se sochte hai aur karte hai.

Aise me mera sawal ye hai ki kya hum apne soch ke dayre ke aur bada nahi kar sakte ? Kya jis tarah se hum apne aur apne pariwar ke bare me achha sochte hai to kya hum apne desh ko apna pariwar nahi maan sakte. Desh kya agar pure vishwa ko hi agar hum apna pariwar manne lage to sochiye humare andar kitna bada pariwartan aa jayega. Imagine kigiye ki ye puri dunia hi aapka apna hai, aapka apna pariwar hai. To kya kabhi bhi aap apne pariwar ke liye bura sochenge.

Aajkal hum itne swarthi ban gaye hai ki hume apne aur apne pariwar ke alwawa duniya me kuch bhi nahi dikhta humne kabhi bhi is dayre ke baahar sochne ka prayash hi nahi kiya. Humara soch yehi tak aake thahar jati hai ki ab bas yehi meri dunia hai. Bhaad me gayi dunia mere liye to mera pariwar hi sabkuch hai.

Haa ye sach hai ki humara pariwar hi humare liye sabkuch hota hai lekin mai bas itna kehna chahta hu ki hum sabko apne isi nazariye ko thoda aur bada karne ki jaroorat hai. Aur hume puri dunia ko hi apna pariwar ki tarah treat karna hai.

Aaj humara attitude aisa ho gaya hai ki hum apne ghar ko saaf to rakhte hai lekin jaise hi hum bahar jate hai humara attitude pal bhar me badal jata hai aur sadak pe kuda fenkne me jara bhi sankoch nahi karte kyu ? kyuki hum sadak ko apna nahi samajhte hai use saaf rakhna apni jimmedari nahi samajhte hai jis tarah ki hum apna ghar ko apna samajhte hai.

Hum jara jara si baaton par logo se lad padte hai. Kai log to aise hote hai ki chhoti chhoti baaton me logo ko jaan se maarne me bhi nahi hichkichate hai. Sochiye kya ho gaya hai aaj insaan ko.

Ye sab hum bas isliye karte hai kyuki hum apne aur apne pariwar ke siwa kisi aur ko apna mante hi nahi. Bas humare issi attitude ke chalte hum kisi dusre ke bare me achha nahi soch pate hai. dusre ko bas nicha dukhane ka prayash karte hai.

Hum ye nahi kehte ki aap khud bhukhe rehkar dusro ka madad karta fire. Ya fir jhadu nikal ke nikal jaye puri dunia ko saaf karne.

Mera prayash bas itna hai aap apne soch ke daayre ko bada kare. Jis tarah aap apne pariwar ko apna samajhte hai usi tarah dunia ko hi apna samjhe. Bhale hi log aapko apna na samjhe lekin aap unhe apne pariwar ka sadasya samjhe. Aapko kisi ko badalne ki jaroorat nahi hai bas apne nazariye ko thoda sa badalne ka prayash kare.

Kyuki jabtak aap apne man me ye feeling nahi layenge ki puri dunia hi aapki hai tabtak aap dusro ke liye achha soch hi nahi sakte. Jo puri dunia ko apna samajhkar unse prem kare wahi to bhagwan kehlata hai.

Jis din se aap puri dunia ko hi apna pariwar ki tarah dekhne lagenge us din se aapko puri dunia achhi dikhne lagegi. Aapke andar bahot bada pariwartan aa jayega. Aapke andar gussa nahi aayega aur aapka man itna udaar ho jayega ki aap har kisi se prem karne lagenge. Aur ye prakriti ka niyam hai ki aap jaisa karenge return me aapko waisa hi milega. To zahir si baat hai ki aap jab logo ko pyar baatenge to badle me log bhi aapse pyar karne lagenge.

Aapko jyada kuch karne ki jaroorat nahi hai bas jis tarah se aap apne pariwar ke saat vyavhaar karte hai bas usi tarah ka vyavhaar dusre logo ke saath bhi kare. Agar parivar ka koi sadasya galti karta hai to hum use daant lagate hai use sudharne ka prayash karte hai aur fir suthar jane par unhe maaf bhi kar dete hai. Isi tarah ka attitude hume sabke saath rakhna hai. Agar koi galat kare to usko rokne ka prayash bhi kare aur agar jyada hi bigda hua hai to use sabak bhi sikhaye lekin saath hi saath apna dil bhi itna bada rakhe ki unme maaf karne ka himmat bhi ho.

“Bhagwaan mera jivan sansaar ke liye ho.
Sundar swabhav mera dushman ka man palat de.
Wo dekhte hi kehde tum pyar ke liye ho.”

Hum dusro ko badal to nahi sakte lekin kum se kum apne star par badlaw ka prayash to kar hi sakte hai.

Also read How to be happy everyday ?

Key of happiness – खुशियों की चाबी कहाँ है ?


Ek sawal ka jawab mai kabse dhundne ka prayas kar raha hu ki duniya itni thag kyun hai ? Kyun insaan bas ek dusre ka shoshan karne me lage hai ? Aaj kyun insan aisa ban gaya hai ki sab ek dusre ko nicha dikhane ka prayas karte hai ? Mai ye nahi kehta ki har koi aisa hai lekin jaha tak maine duniya dekhi hai jyadatar log bas isi formula ko apnate hai. Koi bhi mouka nahi chhorte dusro ka shoshan karne ka. Dukh to tab hota hai jab aapke apne bhi aapko thagne ka prayas karte hai.

Mujhe ye samajh me nahi aata ki duniya me jine ke liye tedha hona jaroori kyun hai. Log imandaar logo ko bewkoof kyun samajhte hai ? Insan itna neeche kaise gir gaya ki ab kisi pe bhi bharosha karne me bhi darr lagta hai, kyuki kab wo aapse vishwash ghat karega iski koi guarantee nahi nahi.

Log mujhe bewkoof samajhte hai kyuki mai bahot hi sidha aur saral hu. Kuch log mujhe kehte bhi hai ki itne sidhe mat raho thage jaoge aur kai baar aisa hota bhi hai duniya mujhe thagne ka prayas bhi karti hai.

Ha mai is baat se khush hu ki mai ek saral insan hu jo dil me aata hai bol deta hu. Bhale hi duniya mujhe bewkuf samjhe mujhe firbhi bura nahi lagega. Chahe kitni bhi duniya mere sidhapan ka fayda uthaye mujhe firbhi bura nahi lagega. Kyuki mera dil ye manta hai ki log agar thag hai to ye unki galti hai ye unki kamjor mansikta hai. Iske liye mai apne aapko kyun badlu ?

Logo ke kehne par maine kai baar apne aapko badalne ki koshish bhi ki lekin mera dil kabhi bhi is baat ke liye razi nahi hota ki logo ka shoshan se bachne ke liye mai apne aapko badal lu ya yu kahe ki dusro ki tarah ban jau. Mai bhi dusro ka shoshan karu.

Meri sabse badi kamjori yehi hai ki mai apne man me galatfemi paal leta hu aur ye samajh baithta hu ki agar maine kisi pe vishwash kiya hai to wo bhi mere vishwash ko nahi todega. Agar mai imandar hu to sari duniya mujhse imandar rahegi. Meri kamjori ye hai ki koi mujhe do char meethi meethi baaten kar le to use apna samajh baithta hu aur dil ki baat bata deta hu.

Ha mai bewkoof hu lekin mujhe ye bewkoofi achhi lagti hai. Kyuki mera dil ye janta hai ki mai kisi ke saath galat nahi kar raha.

Mai chahe kaisa bhi hu lekin maine zindagi se bas ek baat sikha hai ki. Chahe aap kitna bhi paisa kamalo, kitna bhi logo ka shoshan kar lo, jhuthi shaan me jio lekin agar in sab chijo ke bawjood aapke dil ko tasalli nahi milti to ye sari chije bekar ho jata hai. Itna kuch pane ke baad bhi aap khush nahi rah sakte.

Mera mannna hai ki bhagwan ne ek hi aisa chij banaya hai jo kabhi jhuth nahi bolta aur jhuth bardast bhi nahi karta aur wo hai aapka “Dil”

Chahe aap garib ho, amir ho, achhe ho, bure ho lekin dil kabhi bhi bura nahi hota. Wo humesha insan ko sahi direction me le jata hai. Ye alag baat hai ki aaj insan ka dimag itna jyada develop ho gaya hai ki unka dimag dil par hawi hai. Jyadatar insan aajkal dil ki nahi balki dimag ka sunte hai aur karte hai.

Bas isi wajah se insan aaj itne badle badle se lagte hai. Ye dimag hi hai jo insan ko haiwan bana deta hai. Warna dil me to bhagwan baste hai wo itna bura kaise ho sakte hai.

Dukh to bahot hota hai logo ko is roop me dekhkar lekin kar bhi kya sakta hu. Bas aapke saath man ki baat share kar leta hu aur dil se kehta hu “All is well”

Kasam se kehta hu jis din insan dimag ki jagah dil se sochne lage na us din ye duniya badal jayegi. Log bahot khush rahenge, ek dusre ki help karne me hi unhe khushi milegi. Shastra (Yudh ke liye) ki aawasakya hi nahi padegi. Bas charo aur pyar hi pyar hoga.

Aisi behki behki baaten mai isliye ker raha hu ki maine is baat ka zindagi me anubhaw kiya hu. Aaap bhi karke dekhe thoda sa apne nazariye ko badalkar to dekhe aapki zindagi badal jayegi. Aaaj har koi khushi dund raha hai lekin bewkuf ye nahi samajhta hai ki khushi dundne se nahi milti khushi baantne se milti hai. Yehi ek simple sa philosophy hai ki aap jaisa doge return me aapko waisa hi milega. Aaap dusre ko paththar maroge aur ye ummid karoge ki wo aapko pyaar de ye namumkin hai.

Gandhi ji ka philosophy ko agar aap gehrai se soche to wo galat nahi the. Pyar me sach me itna takat hota hai ki aap bure se bure insan ko bhi badal sakte hai. Lekin iske liye drid ichha sakti ki jaroorat hoti hai. Ye aam insan ki bas ki baat nahi hai. Kyuki us level ka shehanshilta aajkal logo me nahi bacha hai ki ek gaal me thappad khaye to dusre gaal ko samne rakh de.

Lekin agar aap sach me khush rehna chate hai to is baat ko maan le ki aap ko khushi tabhi mil sakti hai jab aap dusro ko khushi doge. Iske siwa duniya me koi bhi vyakti ya wastu nahi hai jo aapko khushi de. Agar vishwash nahi hota to aap kisi amir aadmi se puch kar dekh lena jinke paas apna bangla ho, gadi ho, noukar chakar ho aur family bhi ho.

Unse bas itna puchna ki kya aap apni zindagi se khush hai ? Unka bhi answer ye hi hoga ki nahi mai bhi khushi dhund raha hu.

Aisa isliye kyuki jise log apni khushi samajh baithte hai asal me wo khushi nahi hoti balki unka jaroorat hota hai. Jaise hi jaroorat puri ho jati hai khushi fir se gayab ho jati hai. Fir wo kisi duste chij me khushi dhundne ka prayash karne lagte hai. Isi tarah nirantar khushiyan dhudne me hi unki zindagi kat jati hai lekin asal me khushi milti nahi hai.

Aaap chahe to ye baat chhoti chhoti baaton se khudpar bhi aajmakar dekh sakte hai. Jaise agar aap ek smart phone kharidna chahte hai aur aapke pas utne paise nahi hai ki smart phone effort kar sake tab us waqt aapko lagta hai agar aapke paas smart phone hota to aap bahot khush ho jate. Lekin jaise hi aap smart phone kharid lete hai uske kuch din baad hi aapki wo khushi gayab ho jati hai kyuki tab tak aapka smart phone se man bhar chuka hota hai aur aap kisi aur vastu me fir se khushi dhundne me lag jate hai.

To sawal ye hai ki agar jaroorat ko pura karne me asal khushi nahi hai to fir kaha hai ? Iska jawab aapko khud apne dil se milega. Zindagi me hume khushiya chhoti chhoti baaton me hi milti hai. Ye alag baat hai ki har insan ka khshi ka karan alag ho sakta hai. Lekin kuch chhoti chhoti baaten hai jo common hai jisme sabko khushi milti hai. Jaise subah ki taji hawa me, Chidiya ki chahchane ki aawaj me, Sham ko family ke saath chai ki chuski me, Garmi me thandi pani se aur thandi me garam pani se nahane me, Raat ko chhat me jakar chand ko niharne me, Festivals ko celebrate karne me, Puja karne me, purane dino ki achhi baaton ko yaad karne me, Favorite music sunne me, achhe pakwan me, party karne me, shopping me, movies dekhne me, travel karne me etc

Aisi hi bahot se chhoti chhoti baaton se hi hume real khushi milti hai. Lekin jo insan in sab chijo ko chhorkar sirf paise me khushi dhundne lag jate hai wo insan bas zindagi bhar khushiya dhundte hi reh jate hai. Upyukt baato me jyadatar chijo ko aap bina paise kharch kiye bhi kar sakte hai aur zindagi me bahot khush reh sakte hai.

To kya hum apni khushi ke liye dusro ko khush nahi rakh sakte ? Kya dusro se achhe vyavhar nahi kar sakte ? Kya dusro ko nicha dikhane aur shoshan karne ki wajay unka unse apni khusiya baant nahi sakte ? Agar aap aisa nahi kar sakte to mai bewkoof hi sahi lekin un logo se bahot jyada khush hu jo mujhe bewkuoof samajhte hai.

Also read how to free from stress ?

Addiction bad or good manners? लत बुरी या अच्छी आदत ?


Har vyakti chahe aap ho ya mai kisi na kisi lat ka shikar hote hi hai. Lekin sawal ye hai ki lat lagna ek achi aadat hai ya buri ? Ye tay karna sayad sabke liye alag alag ho. Normally hum yehi sunte aaye hai ki lat lagna buri aadat hai. Insan ko kisi chij ka lat nahi lagana chahiye. Halaki ye lat buri ya achhi dono hi ho sakti hai aur situation ke hisab se badalti bhi rehti hai.

Mera ye manna hai ki jab aap apni dil ki sunke koi bhi kaam puri lagan se karte jate hai use hi lat kahte hai. Jaise aapko koi TV show (bachpan me Krishna aur Mahabharat ko hi le ligiye) ya koi book bahot jyada pasand aa gaya aur aapki situation aisi hai ki aap ise dekhe ya pade bina nahi reh sakte. Ya fir sharab ya sigrate ki lat jise aap chhor nahi sakte. Yani ki dono hi case me aapko kisi vyakti ya wastu se dil se lagaw ho jata hai aur aap use bahot jyada pasand karne lagte hai aur fir aapko us vyakti ya wastu ki lat lag jati hai.

Jab hum ye kehte hai ki insan ko dil se sochna chahiye aur dil ki karni chahiye kyuki dil humesha right hota hai. Fir kisi chij ka lat lagna bura kaise ho sakta hai ?

Insan tabtak koi bhi kaam puri shradhha aur lagan se nahi kar sakta jab jak ki use us kaam ko karne me achha na lage ya use karke khushi na mile. Yani ki agar kisi vyakti ko kisi chij ka lat hai to ye kisi dusre vyakti ya wastu ke liye achha ya bura ho sakta hai lekin us vyakti ke hisab se to achha hi hai kyuki use us kaam me dilchaspi hai aur wo use dil se karna pasand karta hai.

Is dunia me sari ladayi to isi baat ka hai ki aapko jo pasand nahi hai aap use swikar nahi kar sakte aur agar wo chij koi aur kare to aap use swikar nahi kar sakte. Yani ki aap us vyakti ko dil se bardast nahi kar sakte kyuki wo aapke vipreet swabhav ke hai. Dusri taraf wo bhi aapko swikar nahi sakte kyuki aap unke liye veeprit swabhaw ke hai.

To fir is beech me achhai ya burai kaha se aa gayi. Ye pasand aur na pasand ki baat ho sakti hai lekin achhai ya burai ka nahi.

Mere manna hai ki koi vyakti ya wastu bura hai is baat ka decide sirf ek hi sart par ki jani chahiye agar us vyakti ya wastu se kisi dusre vyakti ko saririk ya mansik nuksan pahuchta ho. Kyuki ek hi chij different situation ke hisab se achha ya bura ho sakta hai. Udaharan ke liye agar kisi dharm sthal par baith ke koi sharab piye tab ye baat buri hai lekin wahi sarab agar beer baar me jake piye to isse hum buri nahi keh sakte kyuki ye uske liye sahi jagah hoga aur isse kisi dusre vyakti ka mansik nuksan bhi nahi hoga kyuki uske aas pass sare sarabhi hi honge. Dusri taraf agar beer baar me koi bhakti gana baja de to ye buri baat hogi kyuki ye gana us waqt un sarabiyo ke liye maansik haani pahuchayega. halaki yehi gana usi vyakti ke liye achha bhi ho sakta hai jab wo ye gana kisi dharm sthal pe ya kisi dusre jagah jake sun raha hoga.

Mera kehne ka sidha matlab yehi hai ki aap aur mere paas is baat ka decide karne ka adhikar nahi hona chahiye ki koi bhi vyakti ya wastu achhi ya buri hai. Aap ye decide tabhi kar sakte hai jab aapko ya kisi aur ko us vyakti ya wastu se saririk ya mansik nuksan pahuch raha ho.

Yaha pe main ek baat spasht kar dena chahta hu ki main kisi bhi prakar se kisi ko bhi sharab peene ke liye uksa nahi raha hu. Mai bas saral example ke dwara sirf ye batane ka prayas kar raha hu ki kisi ko bhi kisi vyakti ya wastu ke bare me bina soche samjhe direct bura bhala nahi kehni chahiye. Har kisi ko apna pakshchh rakhne ka mouka jaroor milni chahiye. Isse baat banti hai bigadti nahi hai. Kyuki agar aap sirf isliye directly kisi ko kuch bhi bol dete ho kyuki wo chij aapke hisab se sahi nahi hai ya aapko achha nahi lagta to samne wala lagna hi lagna hai. Aur is tarah se behash chhedti hai aur fir baat bad jati hai.

Jo bhi ho lekin ek baat to spast hai ki agar aapko kisi chij ka lat hai chahe wo kisi bhi chij ka kyu na ho. Iska matlab ki aapme ek bahot hi khash khubi hai. Wo ye ki aapke andar ekagrata hai aapme kaam karne ki lagan hai. Aapme wo kabiliyat hai jisse ki aap chahe to kisi bhi khetra me aage bad sakte hai.

Lat ya aadat situation ke anusaar banta hai. Jaruri nahi hai ki agar koi vyakti sharabi hai to wo zindagi bhar sharabi hi rahega. Ho sakta hai ki kisi din wo ek mahan yogi ban jaye. Ye depend karta hai sirf aur sirf situation ke anusaar. Ye kehna galat hai ki koi vyakti achha ya bura bane ye unke haath me hai. Asal me aaj ke mahoul me insaan me wo patience nahi bacha hai ki wo apne aapko apne hisab se baandhkar rakhe.

Insaan chahe kitni bhi koshish kar le wo mahoul ke hisab se badal hi jata hai. Kisi vyakti ya wastu me badlaw uske aas pass ke mahoul se hi hota hai. Udaharan ke liye agar aapke ghar me puja path wala mahoul ho ghar ke sare log din bhar bhagwan ki bhakti ki baat karta ho to aap chahe ya na chahe usi roop me dhal hi jate hai. aisa 99 % case me hota hi hai. Gine chune log hi honge jo situation ke anusaar apne aapko nahi badal pate ya nahi badalte.

Agar aapko kisi chij ka lat nahi hai to aap zindagi ko achhe se ji nahi payenge kyuki aap koi bhi kaam pure lagan ke saath nahi kar paynge.

Insan ka ye fitrat hota hai ki jabtak wo kisi chij ko jo use pasand hai puri tarah se pa na le tab tak wo uske baare me sochta rehta hai aur is chakkar me wo kisi aur kaam me man nahi laga pata hai. Isliye jaroori hai ki aapko agar koi chij pasand hai aur aap use karna ya pana chahte hai to aap uska lat laga ligiye kyuki jab tak aap kisi chij ka lat nahi lagayenge tab tak aap us chij se peecha nahi chhuda sakte. Aap tabtak kisi chij ko karte rahe jab tak ki aap karte karte bore na ho jaya aur aapka dil khud kahe ki nahi ab aur nahi kar sakta. Agar aapko mithai khane ka lat hai. To aap ek din itna mithai khaiye ki aap khate khate bore ho jaye aur aap ko mithai se nafrat ho jaye. Yehi ek tarika hai kisi bhi buri lat ko chudana.

Aaj insan ke andar sabse bada rog ye hai ki wo apni khwaiso ko apne ander dabake rakhta hai aur isi karan dheere dhhere unke andar chidchidapan aa jata hai. Ye bahot khatarnak bimari hai kyuki aisi sthiti me aap man hi man bahot ghutan mehsoosh karte hai aur iska asar dheere dheere aapke aas paas ke logo par bhi padne lagta hai. Chhoti chhoti baaton pe gussa karna, kisi se panga le lena iska lat pad jata hai aapko.

To jaroori hai ki is buri lat se agar bachna hai to aap aisi lat lagaye jo aapka dil chahta hai aur aapko wo karne me achha lagta hai. Chhoro dunia ko sirf apni dil ki suno aur wahi karo jo aapka dil sach me karna chahta hai chahe wo aapke liye achhi ho ya buri. Kyuki sachai ye hi hai ki aap jitna apni khwaish ko dabane ki koshish karenge utna hi wo aapka peecha karega aur aap utna hi jyada pareshan honge.

Kyuki jabtak aapki andar ki ichhayen aapka peecha karti rahegi tabtak na hi aap khush reh payenge aur na hi aap apne family ko khushi de payenge. Agar aap dunia ko khush dekhna chahte hai to pehle aap apne aapko khush rakhiye. Kyuki ander se aap jaisa honge bahar se dunia bhi aapko waisi hi dikhegi.

Mujhe malum hai ki upyuk baaton se aap shayad sehmat nahi bhi ho sakte kyuki mere is lekh me kahi na kahi humare Indian soical values ko darkinar kiya gaya hai. Lekin mera manna hai ki social values apni jagah hai. Social values ko humne hi create kiya hai bhagwan god ya allah ne nahi. Emotions humara khud ka creation nahi hai. Agar bhagwan ne hume emotion diya hai to besak soch samajh ke hi diya hoga aur agar hum apne emotions ko dabakar rakhe to ye prakriti ke niyamo ke khilaf hoga.

Mai samaj, dharm ya kisi ka bhi virodhi nahi hu lekin mera manna hai ki prakriti ne hume banaya aur sirf prakiti ko chhorkar humne baki sabkuch banaya chahe wo samaj ho dharm ho ya kuch aur lekin durbhagya ye hai ki jisne hume banaya unke rule ko follow nahi karke hum sirf apne hi banaye rules ko follow kar rahe hai chahe wo prakriti ke khilaf hi kyu na ho. Hum samaj ya dharm ki dar se prakriti ke niyamo ko hi palan karna bhul jate hai aur apne andar ki sachhi emotions jo ki aapka dil chahta hai kahi na kahi zindagi bhar apne ander hi dabake rakhte hai.

Women empowerment – Deepika Padukone – “My Choice” reply – महिला सशक्तिकरण


Ye sach hai ki aaj ke samaj me apradh bad gaye hai khashkar mahilaon ke prati. Isliye women empowerment ki jaroorat to hai lekin kya Deepika padukone ki my choice women empowerment ke liye sahi tarika hai ? Kya wakai me is video me mahilaon ke prati ho rahe apradh ka hal bataya gaya hai taki hum ise women empowerment ke liye uthaya gaya achha kadam hai keh keh ke iski sarahana kar sake. Mera manna hai ki bilkul nahi. haa freedom sabke liye honi chahiye lekin my choce is not a right option.

Agar mahilao ko apni choice se jindagi jeene se women empowerment mil jati hai to why not men should have their own choce ? unke paas to jyada choice hoti hai. My choice bilkul honi chahiye sirf women hi nahi sabke liye lekin uski bhi ek limit honi chahiye. Limit isliye honi chahiye kyuki agar har koi without limitation sirf my choce ko follow kar karke apni marzi karne lage to ye samaj ka astitwa hi khatam ho jayega. Sab kuch bikhar jayega. Fir insan aur janwaro me koi fark nahi reh jayega.
Mahilaon ki bhawnao ko mai samaj raha hu. Wo bhi purusho ki tarah khulke jeena chahti hai, aazadi chahti hai. Agar gour se dekha jaye to my choce film banake ke peeche maksad to achha nazar aata hai lekin uska tarika sahi nahi hai. Women empowerment ka matlab sirf sexual aur fashion ki aazadi nahi hai jaisa ki film me dikhaya gaya hai.

Women empowerment
ka maksad asal me tab pura hoga jab sex rasio me badlaw aayega. Jab hamara samaj me mahilao ko har kshetra me purusho ki tarah hi saman adhikar milne lagega. Mahilao ki jansankhya itni ho jaye ki purush dekhte dekhte thak jaye. Mahilaye har field me itni takatwar ho ki purush ko usse competition karna pade. Mahilayen apne aapko itna kabil bana le ki purush khud dahej lene ki wajai dahej dene ke liye taiyaar ho.

Mera manna hai ki agar hum wakai me women empowerment chahte hai to sabse pehle hume mahilao ko kamjor darsane wale kuch dialogue par bann lagana padega. Jaise ki aksar hum kisiko kamjor darsane ke liye is dialogue ka proyog karte hai “Agar tumse ye kaam nahi hota to jao jake chudiyan pehankar ghar me baith jao”. is wakya se spast pata chalta hai ki hum mahilaon ko kitna kamjor samajhte hai. Ye bhale hi kisi film ka dialogue ho sakta hai lekin asal me ye humare samaj ki sankirn mansikta ka sawal hai.

Ek aur baat jo bhale hi aap mujhse sehmat nahi honge lekin mere hisab se ye nahi honi chahiye. Aur wo hai “Mahilaon ke liye alag se reservation”

Bhale reservation mahilaon ke fayde ke liye hi hota hai lekin agar dhyan se dekha jaye to aisa karke kahin na kahin hum unhe kamjor sabit kar rahe hai. ki aapko reservation ki jaroorat isliye hai kyuki aap kamjor ho. Aap me kabiliyat ki kami hai. Dekhiye sarkar ko bhi lagta hai ki aap apni mehnat se kuch hasil nahi kar sakti isliye aapko reservation ki jaroorat hai.

Tisri baat why ladies first ? Ye meharbaani kyu ? Kyuki ladies kamjor hai. Kya darsana chahte hai ? Ladies and gents ek saath nahi chal sakte hai kya ?

Mujhe malum hai ki iske dusre pehlu bhi hai. Ladies first se matlab mahilaon ko samman dena bhi hota hai. Lekin har chij ke dusre pehlu bhi hote hai jise nazarandaaz nahi kiya jana chahiye.

Hume ye maanna padega ki Humare samaj fitrat me kuch aisi baate hai jo ki mahilao ko kamjor sabit karti hai. Jisko badle bina women empowerment ki baat karna baimani lagti hai.

Aaj sabhi women empowerment ki baat karta hai lekin mai kehta hu ki is sabd ki hume jaroorat ki kyu padi hum “man empowerment” ki baat to nahi karte. Kisne diya ye sabd ?

Jawab bahot kadwa hai lekin sach hai. Humara samaj ne hi is sabd ko janm diya aur ab wahi ise khatam karne ki baat karta hai. Isme humara samaj ka doglapan nazar aata hai.

Ek taraf humara samaj hi ladki paida hote hi use kamjor saabit karne ke liye lag jata hai, har chij me ladka ladki me bhedbhaw. Tu ladki hai isliye ye nahi kar sakti wo nahi kar sakti bla bla bla. Aur dusri taraf women empowerment ki baat karke mahilaon se sahanubhuti lena chahte hai. Aisa band hona chahiye.

Samaj ka ye dohra charitra se women empowerment sambhav hi nahi hai. Agar sach me women empowerment chahte hai to sabse pehle har us chij par bann lagani padegi jo mahilao ko kamjor darsane ki koshish karta hai. Chahe wo kisi film ka dialogue ho ya fir ladies first ka nara.

Agar women empowerment chahiye to reservation ki jagah protsahan de taki mahilaye bhi purusho ke saath kadam se kadam milakar chal sake. Ladies first ki jagah saath saath chalne ke liye prerit kare. Is ghatiya soch ko nikal de ki chudiya pehne ka matlab kamjor hona hota hai. Mahilaon ki chudiyan sirf unka sringar hi nahi hota balki unka purusho ke prati unke samman ki bhaw ko bhi darsata hai.

Corruption reasons & solutions – भ्रष्टाचार के कारण और निवारण


Chaliye 1031 (Anti corruption helpline number Delhi) start ho gaya. Achhi pehal hai Delhi sarkar dwara dekhte hai kaha tak corruption kum hota hai. Lekin kya wakai me corruption rokna itna aasaan kaam hai kya ? Kya shikayat karta khud ye dawa kar sakta hai ki usne khud kabhi bhrashtachar nahi kiya ya fir aage nahi karega. Bahot mushkil sawal hai ki iska jaanch kaise hoga ? Bahot hi khatarnaak virus hai ye bhai isne abtak 99 % logo ko apne kabje me le rakha hai. Are yaad aaya ye to ek film ka dialouge bhi hai mera bharat mahan so me se 99 baimaan. Par isme galat bhi kya hai sach hai to hai ki 1% ko chhor ke har vyakti kisi na kisi roop me corruption me lipt hai. Koi janbujhkar karta hai to koi majboori me.

Corruption koi abhi ka mudda nahi hai. ye to warso se chala aa raha hai. raja maharaja ke jamane me bhi hota tha. Corruption ek bahot badi samajik samashya hai ye alag baat hai ki aajkal iska rajnitikaran ho gaya hai.

Corruption ek aisi samashya hai jiska permanent soulution nikalna bahot mushkil hai kyuki ye sidha insan ke dimag se juda hua mamla hai. Aur kisi ke dimag pe control karna to aashaan kaam nahi lagta. Hum sabko pata hai ki corruption ka bas ek hi karan hai aur wo hai “lalach”

Lekin mere hisab se corruption ko do bhago me rakhkar dekha jana chahiye. Ek “Aam aadmi ka corruption” aur dusra “Khas aadmi ka corruption”
Kyuki vyakti corruption sirf iskiye nahi karta kyuki wo lalchi hai uski majburi bhi to ho sakti hai. Udaharan ke tour par kisi sarkari daftar par kuch kaam karwane ke liye kisi ki sifarish ki jaroorat hoti hai ya fir ghus ki…ye to aam baat hai. Ab ye to majboori hi hui na…agar bina sifarish ke uska kaam ban jata to wo ghus dene wali kaam karta hi kyu. To aise case me hum us vyakti ko corrupt nahi keh sakte kyuki ye uski majburi thi. Ye kisi vyakti vishesh ka falt nahi kaha ja sakta hai kyuki ye humara system ka falt hai. Har koi kisi bhi kaam ke liye aashan rasta chahta hai ye insan ka fitrat hota hai. Fir aise me wo kyu aisa rasta chunega jisme uska kaam latka rahe aur jaan ka bhi khatra ho. Kyu wo imandar bankar corruption ke khilap aawaj uthaye. Kya aisa karna kisi vyakti vishesh ki jimmedari hai. Bikul nahi har vyakti ki jimmedari ye hoti hai ki wo apna aur apne parivar ka khyal rakhe aur khush rakhe. Na ki logo ko sudharne ke chakkar me khud ki aur apne pariwar ki jaan jokhim me daal de.

Burai ke khilap aawaj uthana jaroori to hai lekin usse bhi jyada jaroori ye hai ki hum burai ko panapne hi na de taki aisi noubat hi na aaye ki hume usse ladna pade.

Maine corruption ko do bhago me isliye baata hai kyuki “Khas aadmi ka corruption” to samajh me aata hai ki unme lalach ka matra jaroorat se jyada hota hai isliye isme koi sak nahi ki ye galat hai aur use rokna bahot hi aawashyak hai. Lekin aam aadmi ke bhrastachar ko thoda alag paimane me maapne ki jaroorat hai. Kyuki ek aam aadmi ka lalach jyadatar simit matra me hota hai. Wo tabtak corrupt nahi banta jabtak ki use jindagi jine ke liye jaroori chije milta ho. Ek aam aadmi ki khwaise simit matra me hi hoti hai. wo bas itna chahta hai ki use itna mil jaye jisse ki wo khusi khushi jindagi ji sake na ki kaat sake. Jindagi jine se mera matlab ye hai ki use itna mile taki wo khud aur apne pariwar ko khush rakh sake. Kudka ghar ho, chhota hi sahi ek gadi ho, khane peene ki koi kumi na ho aur thoda bahot bank balance ho future ke liye. kum se kum itna kamaye jise ki saal me ek baar travel kar sake, mahine me ek ya do baar movie tickets kharid sake. Agar kabhi bimar huye to ilaz ke kharche ke liye karz na lena pade. Bas itni chhoti chhoti si khwaise hi to hoti hai ek aam aadmi ki.

Agar ye chije puri ho jaye to mai dawa ke saath keh sakta hu ki “Aam aadmi” kabhi bhi marji se bhrastachar nahi karna chahega. Yaha mera “Aam aadmi” se matlab un logo se hai jinme lalach to hoti hai lekin simit matra me. wo vyakti jo apni jaroorat ki souk pura karne ke liye corruption karta hai naki hawa mahal khada karne ke liye.

Agar hume wakai me bhrastachar khatam karni hai to hume iske jad ko khatam karna hoga. Hum insaan ke lalach ko to khatam nahi kar sakte lekin unki jaroorat ko pura karne ki jaroor koshish kar sakte hai taki unme lalach ki bhawna kum ho.

Sarkar chahe to system me sudhar lakar bahot kuch kar sakti hai. Agar ghus dekar naukriyan milna band ho jaye aur imandari ki padhai se talent ke aadar par naukri mile to log padai me jyada focus kar payenge. Aur is tarah se siksha vyastha me bhi dheere dheere sudhar aayega. Log padai pe jyada mehnat karenge kyuki use malum hoga ki ghus dekar naukri nahi mil sakti. Aur jab achhe pade likhe log naukri karenge to automatically har khetra me desh ki pragati hogi.

Agar sarkar har vyakti ko apna ek ghar dilade to kisi bhrashtachar ke raste jane ka mouka hi nahi milega. Har vyakti ka ek sapna hota hai ki kisi tarah se paise ikattha karke apna ghar liya jay. iske liye kai baar vyakti galat tarike se paisa kamana lagta hai. Kyuki imandari ki paise se to use ek scooty kharidne ke liye bhi sochna padta hai. Aur rehne ke liye ghar bhi jaroori hai. To aise me vyakti ke paas do hi option hai. ya to imandari se paise ikattha karne ke liye puri zindagi mehnat kar kar ke apna jindagi ka kawada bana dale ya fir corruption ka rasta chunkar jindagi ka sapna pura kare. Ab jaise ki insan ka fitrat hota hai ki wo humesha aasan taika dhunta hai to jahir hai ki jyadatar logo ke man me ye baat rehegi ki kisi na kisi tarah se paisa kamaya jay aur apna ghar ka sapna pura kiya jaye.

Aise me agar sarkar logo pe ek meharbani kar de to sara masla hi hal ho jaya. Chhota hi sahi har pariwar ko ek ghar dila de. Aur ek achhi naukri. Fir to logo ke pas faltu ki chije sochne ka time hi nahi rahega. Wo aaram se khushi khushi apni zindagi bitayenge apne ghar pariwar ke saath.

Aajkal har koi ek dusre ko lootne me laga pada hai. Corruption to har khetra me hai aur iske bahot se shrot hai jo hum sabko pata hai chahe wo ghus ho, chunaw me dhandhli ho, hafta wasuli ho, jabran chanda lena ho, thagi ho, tax chori ho, black mailing ho, jhootha mukadama ho ya pariksha me nakal ho aur bhi bahot se tarike hote hai lekin maksad bas yehi “swarth aur lalach” kisi tarah paisa kamana hai aur bada aadmi banna hai apne aapko dusro se upar rakhna hai. basically ye wo log hote hai jo khusi khushi zindagi jina chahte hai. Par mahoul aisa bana hua hai ki jitna jyada paisa kamaya jaye utna hi khush raha ja sakta hai. Par asal me aisa hota nahi hai. Khush rehne ke liye paise ki utna hi jaroorat hoti hai jitna ki zindagi jeene ke liye jaroori hota hai. Lekin afsosh is baat ka hai is baat ka pata vyakti ko tab tak nahi chalta jab tak ki wo khud noto ki gadde me so na le.

Chhote machliyo ka to vyawstha kiya ja sakta hai lekin jo badi machliyan ye 2G 3G wale unke liye to kanoon ko aur sakt hona hi padega aur wo bhi jald se jald bade faisle lene padenge. Nahi to desh ko dheere dheere ye kab nigal jayenge pata bhi nahi chalega. Sarkar ko chihiye ki chhote mote choro ko pakadne ke wajay bade pade choro pe sikanja kashe taki logo ka chusa hua khoon wapas se logo ko mil sake. Aam aadmi ko apna haq mil sake. Nahi to ek din amiri garibi ka ye balance aisa bigdega ki charo aur sirf note to honge lekin khane ke liye anaj nahi hoga.

Mera manna hai ki naitikta ki baaten aajkal kitabo tak hi simit reh gaya hai. Asal zingagi me iska patan ho chuka hai jisko nazar andaaz nahi kiya ja sakta hai. Naitikta ki baaten ab bas TV debet ke liye aur bayanbazi me hi bacha reh gaya hai. Isliye ab hum sirf ye kehkar baat ko taal nahi sakte ki logo me naitikta ka patan ho chuka hai. dherya ki kumi hai, samajik patan ho gaya hai bla bla bla….

Ab jo hai so hai mahoul badal chuka hai, logo ki khwaise bhi bad gayi hai aur itne fast life me logo me patient ki kumi bhi ho gayi hai. log jald se jald aage badna chahta hai kyuki use darr hota hai ki itni bheed bhari dunia me kahi wo dusro se peeche na rah jaye. Isliye kisi pe blame karne ki wajay jaroori ye hai ki samashyaon ko sahi tarike se suljhane ka prayatna kiya jay. 21 wi sadi ke logo me agar hum 15 wi sadi jaisa naitikta dhundne ka prayas karenge to ye vyarth ka prayas hi sabit hoga. Bachane ke bare me wo sochta hai jinko kamana nahi aata hai. Sarkar ko chahiye ki jyada se jyada rojgar ke auwsar paida kare sari samashyayen apne aap hi door ho jayegi aur logo ko bhi chahiye ki thoda sanyam rakhe. Itni tej raftar se family badayenge to sarkar kya bhagwan bhi itna rozgar paida nahi kar sakta. Bhagwan ne sakti diya hai to uska galat istmaal na kare sanyam se kaam le agar aapme jara sa bhi desh prem ki bhawna hai to. Hum ghar me rehte hai jangal me nahi.

Jai Hind