How to live stress free life in Hindi genuine solution


Aajkal is tarah ke keywords Google me kuch jyada hi search hone laga hai “Tips To Be Tension Free, तनाव दूर करने के आसान टिप्स, तनावमुक्ति के उपाय, ya how to overcome stress aur bhi bahot saare. Iska matlab yehi hai ki log wakai me bahot pareshan hai apni stress se bhari life se. Lekin tajoob ki baat ye hai ki itne tips lene ke bawjood unka stress kum nahi ho raha hai bas tips ko pad liye, kuch der tak motivate ho gaye aur wapas se apne routine me aa gaye. Fir man kiya chalo isse aur badiya tips dhunte hai sayad usme kuch aur behtarin tarika hoga stress kum karne ka. Fir YouTube pe kuch motivational videos dekhe. Achha Sandeep Maheshwari ne ye baat bahot achhi boli inko follow karte hai fir Him eesh ne ye bataya yehi sahi hai ya fir ye Patani hi sahi bol raha hai inko follow karte hai. Aise na jane kitne videos hum dekhte hai aur khudko motivate karne ki koshish karte hai lekin aap dil se bolo kya aap abhi bhi stress free life ji rahe ho ? Agar sach me dil me haat rakhke jawab doge to jawab hoga nahi. Ha thoda bahot motivate to ho hi jate hai jab aap koi aapse related topic pe  achha article padte hai ya koi video dekhte hai.


Mera sawal ye hai ki aapne sabko suna lekin kya aapne kabhi khud ye analyse kiya ? apne andar jhanke, ki  chalo ekbaar dekhu to sahi mere andar itna stress kaha aa raha hai aur kaise aa raha hai. Kya mai khud se ise control kar sakta hu ki nahi kisi ko bina sune sirf khud ka sunke apne aapko analyse karke.

Ek baat jaan ligiye ki aapka jo bhi problem hai wo aapko hi solve karne honge iske alawa koi kar hi nahi sakta kyuki aapka real problem sirf aapko hi para hota hai, na hi mujhe na kisi aur ko yaha tak ki aap jise sabse jyada pyar karte hai ya aap ke jo sabse karib hai unko bhi nahi pata hota hai aapke andar ki baat. Wo bas imagine kar sakte hai, aapke action aur emotion ko dekh kar, ya feel kar. Jinke saath aapka emotions aur feeling thoda bahot match karta hai tab aapko lagta hai ki haa yehi meri problem ko samajh rahe hai.

Agar stress ke karan ko ek word me define kiya jay to wo hai “Kal“. Matlab ki aapka bita hua kal aur aane wala kal. Kyu hai na ? Ab iske thoda depth me jate hai aur ye janne ka prayash karte hai ki stress actual me kaha se aata hai, iska source kya hai. Stress humesha past ya future se generate hota hai kyuki present me stress naam ki koi chij ho hi nahi sakta kyuki present me humesha action hota hai. Present moment me aap humesha kuch na kuch karte hai. Stress to tab paida hota jab aapka mind ya to past me ya fir future me hota hai.

Jab hum kisi kisi chij ke bare me baar-baar sochte jate hai tab hume humere dimag me ek bharipan sa ehsash hota hai. Sar fatne lagta hai. chidchidapan bahot jyada badh jata hai. Aapke mind me jab “how to, why” jaise questions lagatar repeatedly doudne lagta hai aur jab ye humere dimag pe hawi hone lagta hai tab hume stress jaise feeling hota hai. Matlab ki jab humara dimag past aur future se related dher saare sawalon se ghir jata hai aur ek ke baad ek sawal pe sawal lagatar mind pe attack karta hai aur uska jawab nahi milta hai tab mind ke andar bahot jyada khalbali sa machne lagta hai jisko hum stress ka naam de dete hai. Chaliye bahot bhashan de diya ab aate hai main point pe aur wo ye hai ki iska soulution kya hai. Hum kya kare ki stress humpe hawi na hone paye. To ligiye ye hai mera jawab.

Always live in present: Ye line to aapne bahot suni hogi ki present me raho future ya past ke baare me mat socho. Lekin kya practically ye sambhaw ho pata hai. Kya sach me hum aisa kar pate hai. Ye to sabko malum hai ya jinko malum nahi bhi hai Google me ek baar search marenge ki “life me stress free kaise rahe” to bahot sare tips mil jayenge aur usme se ye bhi rahega ki live in present moment. Are bhai hume ye malum hai ki present moment me rehne se stress nahi hota hai. Koi ye bhi to batado ki accrual me present moment me rahe kaise. Koi genuine practical tarika to batao. Na ki bas likhne ke liye likh diya. Solution ye nahi hai ki present moment me raho balki asli solution ye hoga jab hum asal me sikh jaye ki present moment me kaise raha jaye.

To aaiye mai batata hu ki hum present moment me kaise reh sakte hai. Mera aapse sidha sa sawal hai ki aap apne life me jo kuch bhi karte hai wo karte kyu hai. Iska jawab hai apne fayde ke liye. Ha is dunia me jitne bhi log hai wo apne life me jo kuch bhi karta hai sab apne fayde ke liye hi karta hai. Ab aap kahenge nahi main to dusro ke liye bhi bahot kuch karta hu usme mera kya fayda hai. Mai to paroupkari hu. Aapka example ye bhi ho sakta hai ki mai apni maa se niswarth bhaw se prem karta hu isme to main koi fayde ke liye nahi sochta hu. Aur bhi tarah tarah ke examples ho sakte hai lekin agar aap bariki ke dekhenge to hum isme bhi indirectly apna fayda dekhte hai. Is baat ko baariki se samajhne ka prayas kare “Mai apni mammi se pyaar karta/karti hu” kyu ki mujhe isse self satisfaction milti hai. Mammi ke prati jo mera pyaar hai jo lagaw hai uski wajah se mujhe emotionally satisfaction milti hai. Pyar wali hormones create hote hai jiski wajah se mujhe khushi milti hai.

Ho gaya na fayda. Bhale hi hum ye sab baate directly kabhi sochte nahi honge lekin ye saari baate kahi na kahi humare unconscious mind me chalti rehti hai jo hume dikhta nahi hai. To mukhya baat ye hai ki humara mind jo kuch bhi karta hai wo bina kisi fayde ke nahi karta. Kisi na kisi roop me hume fayda jaroor hota hai chahe wo physical label pe ho ya emotional level pe. Tabhi humara mind action leta hai. Mai is tarah ki baate isiliye kar raha hu taki aap aasani se kabhi bhi kahi bhi present moment me reh sake.

Abhi tak aapko samajh me aa gaya hoga ki humara mind ki conditioning aisi hai ki wo jo kuch bhi karta hai sab kisi na kisi room me apne hi fayde ke liye karta hai. To present moment me rehne ke liye hume bas apne mind ko itna yaad dilana hai ki hum jo bhi sochte hai past ya future ke baare me usme uska koi fayda nahi hai to mind wapas se present moment me automatically aa jayega. Main yaha mind ko yaad dilane ki baat isliye kar raha hu kyuki mind ko ye baat pata hota ki use jo bhi karna hai sirf uske fayde ke liye karna hai. Lekin jab aap mind me ek saath itna kuch bhar dete hai to wo hang ho jata hai aur wo confuse ho jata hai. Jis tarah koi computer ya mobile hang ho jata hai overload hone ke karan.

To jab bhi humara mind past ya future ke baare me sochna start kare, bas usi waqt thodi der ke liye rukhkar mind pe hi question mark laga digiye ki tu abhi jo bhi soch raha hai ye kyu soch raha hai ? Jaise hi aap mind se ye sawal karenge to mind se hi aapko jawab milega ki are nahi ye mai kya soch raha hu. Yes to past hai isme to mujhe kuch fayda nahi mil raha hai. Are nahi ye to future hai isme bhi to mera koi fayda nahi hai. Tab aapka mind khud hi present moment pe aa jayaga aapko khich ke lane ki jaroorat nahi padegi.

 

Agar aapko meri ye sab baate bakwas lag rahi hai to aap abhi khud practically aajmakar dekh ligiye aapko ehshash ho jayaga abhi isi waqkt. Example ke liye abhi aap past me hue kisi buri ghatna ko thodi der ke liye baar baar yaad kigiye aur mind ki parishthiti ko janne ka prayas kigiye. Ab usi soch pe ek question mark lagakar dekhiye aur sochiye ki mai ye kyu soch raha hu. Kya ye jo ghatna hai jo ki mera past tha kya ye abhi is waqt mera kuch bhi bigad sakta hai ? ya isse mujhe abhi kuch fayda mil raha hai physically ya emotionally. ab aap dubara apni man ki sthiti ko janne ka prayas kare. To aap payenge ki are pagal hai kya kya soch raha hai kyu faltu me apna time wast kar raha hai. Chal abhi kuch karte hai na. Fir automatically aapka mind present moment pe aa jayega. Aapko koi jabardasti karni nahi padegi, koi motivation video nahi dekhni padegi mind ko present moment me lane ke liye.

Yaha pe mai ye baat spast kar du ki past ya future ko sochne se humesha stress nahi hota hai bas sirf usi baato ko jisme ki buri wali feeling aati hai baar baar sochne se hi stress paida hota hai. Aap past ki kisi achhe moment ko soch ke dekhiye kitni achhi wali feeling aati hai. Usse aapko kabhi stress feel nahi hota hai. Ya fir future ke sapno ki dunia ko sochke dekhiye usme bhi koi burai nahi hai. Lekin stress tab banta hai jab aap unpe sawal karte jate hai. Ki mere saath aisa kyu hua, aisa nahi hona chahiye tha, usme meri insult kaise kar diya ya fir mujhe ye chij kab milegi, kyu nahi mil rahi. Is tarah ke sawal jab baar baar aapke dimag me hit karte hai to jahir si baat hai aapme tanav create hona hi hona. Isse bachne ka matra ek hi upay hai ki aap apne mind se in sab sawal ke badle ek aur sawal kare ki tu ye kyu soch raha hai kya isse tujhe abhi is waqt kuch fayda milne wala hai. Jaise hi aap ye sawal apne mind se karenge aapke mind ko uska sahi jawab bhi mil jayega aur wo past aur future ke bare me sochna band kar dega.

Mai koi professional motivational speaker nahi hu aur na hi koi writer. Mai bas aapse apna experience share kar raha hu. Kyuki mai bhi pehle had se jyada sochta tha humesha man me kuch na kuch badbadate rehta tha past aur future ke bare me. Lekin jabse mai is tariko ko aajmake dekha hai mai present moment me rehna sikh gaya hu. Aisa nahi hai ki mai past aur future ke baare me nahi sochta hu lekin sirf wohi sochta hu jisko sochke mujhe khushi milti hai. Example ke liye mai apni love life ko yaad karta hu aur kuch achhe moments ko yaad karke bahot khush ho jata hu. Agar future ki baat kare to future ke liye goal set karta hu ki mujhe future me mujhe ye ye chije karni hai. Isse bhi mujhe khushi milti hai. Aur thoda sa khush hoke wapas se present me apne kaam pe lag jata hu. Kyuki aap note karke dekhna jo khushi, happiness present moment me hai wo aur kahi nahi hai. Lekin humari aadat aisi hui padi hai ki hum present me hokar bhi nahi hote hai. Hum khana kha rahe hai lekin kuch aur hi soch rahe hote hai. Khana ka to maza hi nahi le pate. Hum ghar me apni wife se baat kar rahe hai aur soch rahe hote hai apne office ke baare me. Hum to physically present moment me hote hai lekin humara dhyan past ya future me hota hai isiliye hum dukhi rehte hai. Jis din hum apna dhyan ko puri tarah se present moment me rakhna sikh lenge us din sara ka sara problems yu chutki me solve ho jayega fir aapko koi motivation ki jaroorat hi nahi padegi aap khud humesha motivated rahenge. Kyuki motivation ki jaroorat aapko tabhi padti hai aap action me nahi hote hai. Aur jab aap present moment me action pe hai aur present moment me rehkar apna 100 % dekar kisi kaam ko kar rahe hote hai to fir stress ka ya haarne ka koi sawal nahi nahi reh jata hai. Aap successful honge hi honge. Us waqt aap apna kaam kisi ke kehne pe nahi balki aap khud apni iccha se kar rahe hote hai. Aur jo kaam aap apni ichha se karte hai usme haarne ka chances 0 % hota hai. To chaliye der kis baat ki abhi se faltu ka sochna band karte hai aur aaj aur abhi se present me jikar dekhte hai.

Agar aapko lagta hai ki aapka stress ka karan kuch aur hi hai to aap niche comment jaroor kare. Hum iske liye alag se naya post ke dwara uska soulution nikalne ka prayash karenge. Aur agar aap life me success hona chante hai to is post ko pade The real key of success in life in Hindi

Advertisements

How to control your desire – इच्छा को नियंत्रित कैसे करें ?


Khwaish, Ichha ya desire jo bhi kahe, yehi humara dukh ka mukhya karan hai. Ichhaye beemari ki tarah hota hai, aap jitna ise dabane ji koshish karenge utna hi badta jayega. Ye baat koi nayi nahi hai ye hum sabko pata hai. Aur apni ichhaon ko tyagne ke liye ya control karne ke liye kayi baar hum tarah tarah ki koshish bhi karte rehte hai. Kabhi Yoga to kabhi meditation ya fir apne ichhaon ko dabane ki koshish. Lekin kya wakai me ye saare tarika kam karti hai. Kya apni ichhaon ko apne andar dabakar inko khatam kiya ja sakta hai ? Ji nahi aisa bilkul hi possible nahi hai. Koi kitna bhi dawa karle lekin aap apne ichhaon ko dabakar rakh hi nahi sakte. Ha dunia ko dikhane ke liye hum fake baba banke acting jaroor kar sakte hai.

To yaha pe sawal ye hai ki hum apne desire pe kabu kaise pa sakte hai aur iski jaroorat hi kyu hai ?

Aaiye, bilkul hi saral tarike se sabse pehle ye samajhne ki koshish karte hai ki hume apne desire ko control karne ki jaroorat kyu hai aur fir samjhenge ki aisa hum kaise kar sakte hai.

Humari ichhayen hi humara dukh ka karan hai. Jaise jaise hum apne desire ko badate jate hai humara dukh ka karan bhi aur bada hota jata hai. Chhota desire chhota dukh badi desire bada dukh. Humara mind aise hi kaam karta hai. Ek desire ke pure hote hi dusre desire ki aur bhagne lagte hai. Aur bhagte bhagte desire ka peecha karte karte itni door bhag jate hai ki zindagi hi peeche chhut jati hai.

To kare kya ?? agar ichhao ko daba nahi sakte mita nahi sakte to inse peecha kaise chhuda sakte hai ?

Aaiye samajhte hai ki apnni desire ko kaise khatam kare.

Waise to Ichhaon ko do tarike se khatam kiya ja sakta hai ya to aap use pura karle ya fir jaise hi mann me ichha uthi aap apne budhhi ko beech me le aayen. Matlab ki aapke mann me kuch desire utha kuch karne ka aur aapko lagta hai ki wo galat hai firbhi ichha itni majboot hai ki aap use rok nahi paa rahe hai. To us waqt aap apne budhhi ka istmaal kare jise hum vivek bhi bolte hai.

Yaha pe mann aur budhhi me fark samajhne ki jaroorat hai. Mann aazad hai wo kuch bhi soch sakta hai aur kar sakta hai. Mann pe aapka koi control nahi hota lekin budhhi pe aapka apna control rehta hai. Budhhi humara apni samajh hai jo hume apne sanskar aur education aur life ke experience se hoti hai. To jaise hi aapka mann kiya kuch karne ka sabse pehle aap apne budhhi ka istmaal kare aur thodi der ke liye us situation me ruke aur uske baare me dono pehluon ke baare me (positive aur negative) thik se soche aur samjhe ki agar main abhi ye kar leta hu ya leti hu jo man kar raha hai to jyada se jyada kya kya achha ya bura ho sakta hai aur uske baad action le. Is tarah se agar apne vivek ko beech me lakar koi bhi action lete hai to aap apne desire ko control kar sakte hai.

Lekin isme bhi ek problem hai. Wo ye ki mann ki takat budhhi se bahot jyada hoti hai. Jyadatar logo me unka mann unke budhhi pe hawi rehta hai. Mann ki sthiti us wakt itna prabal hota hai ki unke liye apne mann ko control karna aasan nahi hota hai. To aisi sthiti me hume kya karni chahiye aaiye ye dekhte hai.

Ye tarika unke liye hai jo mann ki prabalta ko apni budhhi se control nahi kar pate hai. To unke liye to bas ek hi rasta bacha hai ki agar aap desire ko control nahi kar sakte to use pura karle. Tabhi to aapka mann shant hoga nahi to mann us desire ke peeche zindagi bhar bhtakta rahega.

Ye kaise sambhav hai ? Kaise hum apni saare icchao ko pura kar sakte hai ? Ji ye bilkul possible hai. Iske liye hume sabse pehle ye samajhna hoga ki humara desire paida kaise hota hai aur khatam kaise hota hai.

Humara desires create hote hai humare aas paas ke situations ke according. Humara mind usi tarah se sochta hai jis tarah se humare aas paas ke log sochte hai ya fir jo hum news papper ya tv channelo ke madhyam se ya internet ki dunia se dekhte, sunte ya padte hai. Zahir hai ki har kisi ka situations aur aas paas ka mahoul alag hota hai isliye sabka soch aur desires bhi alag alag hi honge. Desire hota kya hai ? Humara mind ka imaginations yani ki kisi chij ka ek image jo ki humare mind me bana hua hai aur us image ko reallity me convert karne ka ichha hi to desire hai.

Aur jab tak wo image aapke mind me active rahega aap apni desire ko khatam kar hi nahi sakte chahe aap kuch bhi kar le. To tarika kya hai ye samajhte hai.

Apne desire ka pratikatmak roop ko reallity me convert kare. Jo karna jyada muskil nahi hai. Is tarah se aap apne har desire ko pura kar sakte hai. Aur apne ichhao ko mita bhi sakte hai. Is baat ka bahot bada example aap “Mahabharat” se bhi utha sakte hai. Jab Mahabharat ka yudh khatam hua tha tab saare pandav bhagwan Krishna ke saath Dhritarashtra se milne ke liye gaye. Tab Dhritarashtra ne Bheem ko gale lagane ki ichha jaheer ki jo ki asal me unka ichhha ye tha ki gale lagne ke bahane dabochkar Bheem ko mar sake apne putro ke vadh ka badla lene ke liye. Us samay Krishna ne Bheem ka pratikatmak murti Dhritarashtra ke saamne rakh diya tha aur jise todne ke baad hi Dhritarashtra ke andar ka krodh shant hua tha.

Is kahani se hume ye samajhme aata hai ki Dhritarashtra ke man me ek imagination tha Bheem ko marne ka aur jaise hi uska pratikatmak roop bhi unke saamne aaya aur us murti roopi Bheem se badla liya usi waqt unka mind se wo desire khatam ho gaya, yani ki mind se wo badle wali image mit gaya.

Thik isi tarah se hum apne ichhaon ko unke pratikatmak roop dekar poora kar sakte hai aur apne desire ko kum ya puri tarah se khatam bhi kar sakte hai.

Agar aapko lagta hai ki aapke liye aisa karna bhi sambhav nahi hai to ek aakhiri rasta bhi hai. Aur wo ye ki jis tarah desire aapke imagination se paida hua thik usi tarah aap use imagination pe hi khatam kar de. Agar sidhe tarike se kahe to aap apne mann ke direction ko hi badal digiye.

Aaiye ek udaharan se samajhte hai is baat ko. Maan ligiye ki aapke mann me ek desire ye hai ki mera apna khudka five star hotel ho ! To ab aap is desire ko kis tarah se khatam kar sakte hai dekhiye. Bada hi simple hai iske liye aap ek din bahot hi shanti se subah subah akele me aaram se baithkar apne mann ko reallity ke base pe imagination ki dunia me le jaye. Udaharan ke liye aap apne mann me ye imagine kigiye ki aapke paas sach me aapka khudka five star hotel hai. Aur apne aapko imagine me hi ek bahot bade five star hotel ke maalik ke roop me dekhiye bilkul usi tarah jaisa ki aap sapne dekhte hai. Different ye hoga ki aap sote hue sapne nahi balki khuli aakhon se sapne dekh rahe hai wo bhi bilkul reallity ke base pe. Aur fir aap apne aapse ek sawal puchiye ki maan lete hai ki ye five star hotel sach me mera hi hai to kya kya hoga. Us imagination ke defth me jakar dekhe ki agar ye hotel aapka hota bhi to kya aap khush ho jate ya successful ho jate. Kya har wo hotel malik jiske paas ek nahi balki man ligiye 4-5 hotels hai khudka kya sachmuch we zindagi se khush hai sirf is baat ko soch soch ke ki wo 4-5 hotel ka malik hai. Kya iske alawa unka koi desire nahi hai.

To is tarah se jab aap apne mind ke direction ko dheere dheere badalte jayenge tab aapka samna reallity se hoga. Aap dekhenge ki wastavik khushi desire ko pura karne me nahi hai ya yu kahe ki desire me hai hi nahi. Desire ka kya hai ye to anant hai. Inka to koi end hi nahi hai aaj aap five star hotel ke malik hai to kal aapka desire use bhi bada hoga parso use bhi bada. Ye to badta hi jata hai. Ek pura hote hi dusra paida ho jayega.

To is tarah se jaise jaise aap apne mann me uth rahe sare desires ko imaginations me hi pura karte jayenge jaise ki maan lete hai mere paas ye bhi hai wo bhi hai mai jo jo chahta hu wo sabkuch hai mere paas. Fir ?? Fir kya karenge aap ?? ab to sab kuch mil gaya ab kya karu ?? Ab bhi khushi dhund raha hu. Ab khush kaise rahu ?? Doulat bhi hai shohrat bhi hai family bhi hai mere paas sabkuch hai.

Us waqt aapko jo chahiye hoga wo aapko bahar kahi nahi milega uske liye aapko apne ander jana padega kyuki bahar ki chijo me aapko khushi nahi milegi tab. kyuki wo sab aapke paas hi hoga. Aur insaan ka fitrat ye hai ki use jo chich mil chuka hota hai usme use khushi nahi milti balki jo uske paas nahi hota hai usime wo khushi dhundta hai.

To jab aap ye maan lenge ki aapke paas sabkuch hai tab aapki khushi kisme hogi. Zahir si baat hai ki usme to ho hi nahi sakta jo aapke paas hai. Us waqt bas aapke paas bas ek hi aakhri rasta bacha hoga bas khudko janne me. Apne andar ki aawaj ko janne me. Aur aisa aap tabhi kar sakte hai jab aap bahar ki aawajo se mukt honge. Bahar ki lalsao se mukt honge.
Is tarah se jab aap bahar ki dunia se mukt hoke apne andar ki dunia me aayenge to us waqt aapki saari ichhaye apne aaphi mit chuka hoga. Aapko desire ko control karne ki jaroorat hi nahi padegi apne aap hi control ho jayega. Aapko khushi kisi chij me dhundna nahi padega. Aaap apne aap hi khush ho jayenge bina kuch paye hi aap sabkuch pa lenge.

Also read How to overcome stress ?


दुःख से आज़ादी – How to freedom from sorrow


Dukh kyun hota hai ? Iska karan agar ek line me batana chahe to wo ye hai ki “Jab bhi hum kisi
chij se puri tarah se attached ho jate hai to hume dukh hota hai” Dunia me har tarah ke log
hai aur har kisi ka dukh ka karan alag alag ho sakta hai lekin in sabhi ke pichhe mukhya karan
ya yu kahe dukh ka jad yehi hai. Iska sabse bada udaharan agar dekhna ho to aap kisi bhi
chhote bachhe ko dekhiye. Kya bachhe kabhi dukhi hote hai ? Nahi, bachhe kabhi bhi dukhi nahi
hote. Haa agar uska khilouna chhin liya jaye to thodi der ke liye rota jaroor hai lekin bado
ki tarah kabhi dukhi nahi hote aur na hi stress ke karan unka baal pakte hai.

Bhagwan ne hume bachha banakar bheja hai yani ki ek aisa insaan jo kisi bhi chij se attached
na ho, dukh aur sukh se pare ek khushhaal insan. Lekin hum insano ne hi apne liye ye saari
dukh create kiye hue hai. Aur jiska ek hi karan hai “Bad Attachement” Yaha mai bad attachement
isliye keh raha hu kyuki chijo se attachement hona to insano ki fitrat hai lekin dukh tab hota
hai jab aap us attachement se bahar nahi nikal pate hai aur usi chij se jude reh jate hai.
Jyadatar log to is had tak jood jate hai ki puri zindagi unse bahar nikal hi nahi pate. To
dukh hona to swabhawik hi hai.

Bhagwat Geeta me bhi Bhagwan Krishna ne Arjun ke saath yehi kiya tha. Unhone apne pure saar me
Arjun ko samjhane ke liye bas isi baat pe focus kiya tha ki “Kisi bhi Vyakti ya wastu se
attach nahi hona hai” Arjun yudh isliye nahi karna chahta tha kyuki wo apne parijano se puri
tarah se emotionality attached the aur unse bahar hi nahi nikal pa rahe the.

Kehne ka sidha sa matlab ye hai ki aap jab bhi kuch kare to us kaam par apna 100 % de lekin
saath hi saath is baat ka bhi khayal jaroor rakhe ki jis teji se aap kisi vyakti ya wasu se ya
kisi kaam se judte hai usi teji ke saath aap khudko us situation se bahar bhi nikal sake.
Kyuki humara ye aadat bana hua hai ki hum apni khushi ke liye kisi vyakti ya wastu se jud to
jate hai lekin jaise hi wo humse door ho jate hai to hum use bardast nahi kar pate aur hume
bahot dukh hota hai.

Hum kisi bhi chij se itna emotionality attached ho jate hai ki kai baar hum uske alawa kisi
aur chij ke bare me soch hi nahi pate. Udaharan ke liye aap kisi ladki ke pyar me itna jyada
emotionality attched ho jate hai ki kayi baar aisa lagta hai ki iske alawa aur dunia me kuch
bhi nahi hai aur jab breakup ho jata hai to mano aisa lagta hai jaise puri dunia hi aapse muh
mod liya ho. Aisa kyu hota hai ? Kyuki aapko us ladki se “bad attachement” tha. Kisi bhi chij
se itna jyada attached nahi hona chahiye ki usse door hone ke baat aap dukhi ho jaye.

Bhagwan ne hume itni khoobsurat zindagi di hai to use enjoy kare. Man me jo bhi khwaise hai
emotions hai use daba ke na rakhe. Kisi ek khushi se judkar dunia ki baki khushiyo ko ignore
na kaare. Apne dayre se bahar aakar dekhiye, sochiye aur kariye. Humare saath problem ye hota
hai ki hum kisi ek chij ko pakadkar reh jate hai aur zindagi bhar kisi kue ki medak ki tarah
apni soch ko bhi usi kue ke dayre me hi rakhte hai. Aur hume lagta hai ki iske alawa aur kuch
bhi nahi hai dunia me bas jo hai yehi hai. Are nahi aisa bilkul nahi hai humara soch aisa
isliye bana hua hai kyuki humare aas pas bhi sabhi aisa hi sochte hai. Bachpan se hi humari
aisi programming ho rakhi hai ki hum apne dayre se bahar soch hi nahi pate aur jo log soch
lete hai wo humesha khush rehte hai.

Isliye jaroori hai ki bhed chal se nikalkar apni chal me chale aur dekhiye kitne aur raste hai
jisme chalke aap bahot khush reh sakte hai aur dusro ko bhi khushiyan de sakte hai. Kisi ek
chij ko leke na baith jaye ki bas jo hai yahi hai iske alawa kuch nahi ho sakta ya humara to
luck hi kharab hai bla bla bla…Bas apna mind me itni si baat rakhe ki hume humesha khush
rehna hai aur iske liye pehle aap apne aapko neutral mode me karle. Matlab ki aap bachha ban
jaye, sare vicharo se mukt. Aur fir khudko analyse kigiye ki aapko kis chij me khushi milti
hai. Kyuki jab aapka dimag neutral mode me hoga tabhi aapka soch bhi natural hoga. Khush hone
ke karan bhi genuine aur positive honge na ki banawati. Aur jaise hi aap ek chij ko pura kar
lete hai aur khush ho jate hai aap usse bahar bhi nikal aaye aur dubara se neutral mode me aa
jaye use chipak mat jaye kyuki jaha aap kisi chij se chipak ke reh jate hai wahi se aapka dush
ka karan suru ho jata hai aur fir aapka dhyan kisi aur khushi ki taraf nahi ja pata hai.

Jab aap is tarah se zindagi jine ka habit daal lenge to aap kabhi bhi dukhi nahi honge. Kyuki
aap kisi chij se attached nahi honge. Aaapka mind humesha neutral mode me rehega. Aur aap jab
chahe kuch bhi naya karne ke liye humesha taiyar rahenge. Aapke jivan me har din kuch na kuch
naya hota jayega aur aap humesha khush rahenge. Koi bhi dukh aapko hila nahi payega. Kabhi
agar dukh aaya bhi to aap aashani se usse bahar bhi nikal aayenge.

Har chij ko dekhne ka nazariya hi badal jayega aapka. Aap dheere dheere sach ki aur badne
lagenge. Aur fir ek din aisa aayega ki aapki khushi paise ya kisi wastu me nahi balki is dunia
ka sach janne me hogi apne body ka sach janne me hogi. Aap is sachai ko jan payenge ki asli
khushi paiso me nahi balki apne aapko janne me hai pehchanne me hai.

Also read How to be happy in life ?


Customize your mind to remove illusion which rise sorrow for you


Khush rehne ka sabse best tarika ye hai ki aap apne mind ko customize karna sikh le. Agar aapne ye karna sikh liya to aap kabhi bhi dukhi nahi honge.Kyuki dunia me jitne bhi problems hai sara khel is mind ka hi hai.Humara sukh-dukh sab kuch isi mind se juda hua hai.

Isliye agar hum apne mind ko kisi bhi situation ke hisab se customize karna sikh le to dukh ka koi karan hi paida nahi hoga.

Sabse pehle baat karte hai ki hum dukhi kyu hote hai ? Iska seedha sa uttar ye hoga ki hum dukhi tabhi hote hai jab koi chij humare anusar nahi hota hai. Aisi chij ya ghatna ka ho jana jo aapke mind ko pasand na ho ya yu kahe ki aapke mind ke khilap ho yehi humara dukh ka mukhya karan hota hai.

Udaharan ke liye aapne apne bachcho ke liye apne man me bahot sare sapne sajaye rakhe hai. Ye sapne kuch bhi ho sakta hai jaise mujhe apne bete ko doctor banana hai ya fir unke shaadi liye pehle se hi ladki pasand karke rakha hai, ya fir ye ummid palke rakhe hai ki bade hokar meri budape ki lathi banega aur mera seva karega bla bla bla jo ki normally har maa baap sochte hai.

Aur fir hota hai bilkul iska ulta. Is situation me dukh ka hona to swabhawik hai. Yaha tak to samajh me aata hai aur ye baat koi nayi bhi nahi hai har kisi ko pata hai.

Lekin baat yaha se suru hoti hai ki aise situation me kya Kare ? Kya ye soch soch ke rote rahe, kya apne bachcho ko ghar se nikal de ya fir kuch aur ?
Koi bhi dukh panapne ka mukhya karan hi hai ki humara mind bahot sare illusions ka shikar hota hai. Ye illusions is had tak gehri hoti hai ki hum reality ko dekhkar bhi andekha kar dete hai.

Aisa mat sochiye ki illusion ka shikar sirf anpad log hi hai aur gaon me rehne wale log hi hote hai. Ye aapka bhram hai. Ye reality hai ki humare desh ka lagbhag har vyakti kisi na kisi illusion ka shikar hai. Koi rudiwadi soch ka to koi apne man me pale hue vicharo ka. Ye aise vichar hote hai jo reality se kosho door hote hai lekin aapke dil ke karib hote hai. Aur reality ke saamne aate hi jaise hi aapke illusion tutte hai aap dukhi ho jate hai.

Ab baat karte hai solution ki. Ki hum dukhi hone se kaise bach sakte hai.

Pehla kaam to ye hai ki aap apne man me kisi bhi tarah ka illusions ko panapne hi na de. Aap jo kuchh bhi kare sab kuch reality ke base pe honi chahiye. Agar aap reality ke base pe koi bhi kaam ki suruaat karenge to aapko kabhi dukh nahi hoga ya bahot ki kum se kum hoga. Jaise ghar me kisi ki mrityu ho jati hai to hum rote hai. Isme bhi illusion hai lekin kuch din ya mahino ke baad fir hum sab bhoolkar normal zindagi jine lagte hai, ye reality hai. Lekin jo vyakti is illusion se bahar hi nahi nikal pate hai uska dukh kabhi kum nahi hota hai aur Wo depresion me chale jate hai.

Jis tarah hum apne mobile apps ko apne hisab se customize karte hai thik usi tarah se hume apne mind apps ko bhi customize karne ki jaroorat hai. Jis tarah hum apne mobile me sirf jaroori files ya apps ko hi rakhte hai aur un hevey files ko delete kar dete hai jinki wajah se humara mobile hang kar jata hai thik usi tarah se hume un sare heavy files aur apps ko humare mind se bhi nikalke fenkna hoga tabhi humara man shant aur khush reh sakte hai.

Mobile ki tarah hi humara mind me bhi storage hota hai aur jaise jaise ye storage me heavy files upload hote jate hai humara mind kaam karna band kar deta hai aur hum dukhi hote jate hai.

Ab baat karte hai ki ye mind apps kya kya hai.

1. Ye mind apps hai humara past ki ghatnaye jo ki hume beech beech me yaad aati rehti hai aur hume sukh aur dukh dono ka aabhash karata hai.

2. Humara present ka work jo hum har roz karte hai hai. Chahe wo office ka kaam ho ya ghar ka.

3. Teesra hai humara future ka sapna. Ye ek aisa app hai jo humesha background me chalta rehta hai running application ki tarah. Ye sabse khatarnaak apps hote hai jo hume jyada dukhi karta hai.

4. Aur choutha hai humara illusions jo ki bachpan se hi humare mind me thuns thuns ke itna bhara hua hai ki aur kuch rakhne ke liye jagah hi nahi bacha hai.

Ab baat karte hai uprokt charo points se kaise nipta jaye.

1. Kai budhhijivi log aksar hume ye rai dete hai ki purani baaton ko yaad mat karo use bhool jao future ki socho aur zindagi me aage bado. Lekin is mamle me mera vichar thoda alag hai. Humara mind ka function aisa hai hi nahi ki hum purani baato ko sochna band kar de ya use bhool jaye. Aisa bas ek hi situation me posible hai jab humara yaddast chali jaye. To mera ye manna hai ki hum purani baato ko bhulane ki wajay hum sirf un purani baaton ko yaar kare jab humare saath kuch achha hua tha. Halaki hume wo baate bhi yaad aayengi jab humare saath kuch bura experience hua tha. Lekin in yaadon ko humare mann me hawi nahi hone dena hai. Jaise hi ye baate humare mind me aayenge usi waqt hum un baaton ko yaad karne ki kosish karenge jab humare saath kuch achha hua tha. Itni badi life me agar kuch bura hua hai to kuch na kuch achha to jaroor hua hoga. Hum un baato ko yaad karke positive reh sakte hai aur apna energy level bahot had tak bada sakte hai. Ye achhi baate bhale hi purani ho lekin hume humara achhai ka yaad dilata hai. Yehi achhai hume jivan me ladne ka shakti deta hai aur hume kabhi tutne nahi deta hai. Agar vishwash nahi hota to aap practically ise aajma ke dekh lena. Jab bhi kabhi aapke saath kuch bura ho us waqt aap apne past me hue achhe experience ko yaad kar lena aap dekhoge ki aapko us sitiation se ladne ke liye wahi energy kaam karti hai.

2. Humara roz marra ki kaam. Chahe ghar ka kaam ho ya office ka jabtak hum kaam ko duty samajhkar karenge hume us kaam se stress hi milega. Mera manna hai ki hum kaam ko kaam na samjhe. Ji haa sunne me ye ajib lag raha hoga aapko lekin ye sach hai. Jab tak hum kaam ko sirf apna duty samajh kar ya presure me aakar karte rahenge tabtak hume achhe output ki wajah sirf stress hi milega. Hum baat baat me ye kehte hue sunte hai ki free mind me kaam karo to kaam sahi se hoga. Ye free mind kya hai ? Free mind kiska hota hai. Humara mind me to itna sara keeda bhara hua hota hai ki ye kabhi free ho hi nahi sakta hai. To kare kya ? Iska jawab bahot hi simple hai. Hume bachche banke kaam karna padega kyuiki free mind sirf bachcho ka hi hota hai. Kai baar aapne note kiya hoga ki bachche khel khl me aise aise kaam kar jate hai ki aap achambheet reh jate hai. We aisa isliye kar pate hai ki unka mind free hota hai. Wo kaam ko khel khel me kar jate hai aur hum apna sada hua dimag lagate reh jate hai. Aur soch soch me puri zindagi guzar dete hai.

3. Teesra karan ye hai ki hum future ke baare me sochne me itna jyada busy ho jate hai ki hum present ke achhe palo ko kho dete hai. Bhai future ke baare me sochne me itna vyast rahoge to jeeoge kab. Hum future me itna jyada busy hote hai ki hum har kaam ko future ke saath jodke karne lag jate hai. Kaam ko bas kaam ki tarah karte rehte hai. Apne future ke sapne ke liye present ke khushi ke palo ko kuchalkar bail ki tarah kaam karte rehte hai. Hum ye nahi kehte ki aap future ke sapne dekhna chorde. Lekin hum storage se jyada aplications nahi daal sakte apne mobile me. Ya to aap apne jaroorat ke chhote chhote apps download kare ya fir ek hi badi movie ki file download kare. Aaap dono chije ek saath nahi kar sakte. Iska seedha matlab ye hai ki ya to aap chhote chhote bahot se sapne dekhe jo ki aasan ho ya fir ek hi bada lakshya rakhe aur usi me apna puri takat lagade.

Agar aap chahte hai ki nahi mujhe dono hi chije karni hai. Chhote chhote sapne ke saath saath bahot bade bade sapne bhi pure karne hai. To iske liye aapko apna storage ko badana padega. Ye bada storage kya hai ? Humara experience. Jaise jaise humara experince badta jata hai humare storage bhi badta jata hai.

4. Aur choutha hai humara illusions. Iska tootna bahot hi jaroori hai. Jabtak ye tutta nahi hai tabtak ye aapko life me aage nahi badne deta. Bachpan se leke abtak aapne jo kuch bhi suna hai ya sikha hai usko reallity ke base pe review karna bahot hi jaroori hai. Nahi to dunia bahot aage nikal jayegi aur aap bhram me hi jeete rahenge.

Isliye mera manna yehi hai ki ab tak jo ho gaya so ho gaya lekin ab hum sabko apne aapko dubara se riview karne ki jaroorat hai. Bachpan se humare mind me jo bhi programming ki hui hai aur jinki wajah se illusions create hue hai un sab ko dubara se reality ke base pe review karne ki jaroorat hai. Tabhi hum sab khush reh sakte hai. Nahi to humesha ki tarah dukho ka peetara leke ghumte rahenge zindagi bhar.

Also read How to be positive ?


गिद्ध का कर्म इंसान का धर्म – The actions of vulture man religion


baby-Vultureएक गिद्ध का बच्चा अपने माता-पिता के साथ रहता था। एक दिन गिद्ध का बच्चा अपने पिता से बोला- “पिताजी, मुझे भूख लगी है।” “ठीक है, तू थोड़ी देर प्रतीक्षा कर। मैं अभी भोजन लेकर आता हूूं।” कहते हुए गिद्ध उड़ने को उद्धत होने लगा। तभी उसके बच्चे ने उसे टोक दिया, “रूकिए पिताजी, आज मेरा मन इन्सान का गोश्त खाने का कर रहा है।” “ठीक है, मैं देखता हूं।” कहते हुए गिद्ध ने चोंच से अपने पुत्र का सिर सहलाया और बस्ती की ओर उड़ गया।

बस्ती के पास पहुंच कर गिद्ध काफी देर तक इधर-उधर मंडराता रहा, पर उसे कामयाबी नहीं मिली। थक-हार का वह सुअर का गोश्त लेकर अपने घोंसले में पहुंचा। उसे देख कर गिद्ध का बच्चा बोला, “पिताजी, मैं तो आपसे इन्सान का गोश्त लाने को कहा था, और आप तो सुअर का गोश्त ले आए?” पुत्र की बात सुनकर गिद्ध झेंप गया। वह बोला, “ठीक है, तू थोड़ी देर प्रतीक्षा कर।” कहते हुए गिद्ध पुन: उड़ गया। उसने इधर-उधर बहुत खोजा, पर उसे कामयाबी नहीं मिली।

अपने घोंसले की ओर लौटते समय उसकी नजर एक मरी हुई गाय पर पड़ी। उसने अपनी पैनी चोंच से गाय के मांस का एक टुकड़ा तोड़ा और उसे लेकर घोंसले पर जा पहुंचा। यह देखकर गिद्ध का बच्च एकदम से बिगड़ उठा, “पिताजी, ये तो गाय का गोश्त है। मुझे तो इन्सान का गोश्त खाना है। क्या आप मेरी इतनी सी इच्छा पूरी नहीं कर सकते?” यह सुनकर गिद्ध बहुत शर्मिंदा हुआ। उसने मन ही मन एक योजना बनाई और अपने उद्देश्य की पूर्ति के लिए निकल पड़ा।

गिद्ध ने सुअर के गोश्त एक बड़ा सा टुकड़ा उठाया और उसे मस्जिद की बाउंड्रीवाल के अंदर डाल दिया। उसके बाद उसने गाय का गोश्त उठाया और उसे मंदिर के पास फेंक दिया। मांस के छोटे-छोटे टुकड़ों ने अपना काम किया और देखते ही पूरे शहर में आग लग गयी। रात होते-होते चारों ओर इंसानों की लाशें बिछ गयी। यह देखकर गिद्ध बहुत प्रसन्न हुआ। उसने एक इन्सान के शरीर से गोश्त का बड़ा का टुकड़ा काटा और उसे लेकर अपने घोंसले में जा पहुंचा।

यह देखकर गिद्ध का पुत्र बहुत प्रसन्न हुआ। वह बोला, “पापा ये कैसे हुआ? इन्सानों का इतना ढेर सारा गोश्त आपको कहां से मिला?” गिद्ध बोला, “बेटा ये इन्सान कहने को तो खुद को बुद्धि के मामले में सबसे श्रेष्ठ समझता है, पर जरा-जरा सी बात पर ‘जानवर’ से भी बदतर बन जाता है और बिना सोचे-समझे मरने- मारने पर उतारू हो जाता है। इन्सानों के वेश में बैठे हुए अनेक गिद्ध ये काम सदियों से कर रहे हैं। मैंने उसी का लाभ उठाया और इन्सान को जानवर के गोश्त से जानवर से भी बद्तर बना दियाा।”

साथियो, क्या हमारे बीच बैठे हुए गिद्ध हमें कब तक अपनी उंगली पर नचाते रहेंगे? और कब तक हम जरा-जरा सी बात पर अपनी इन्सानियत भूल कर मानवता का खून बहाते रहेंगे? अगर आपको यह कहानी सोचने के लिए विवश कर दे, तो प्लीज़ इसे दूसरों तक भी पहुंचाए। क्या पता आपका यह छोटा सा प्रयास इंसानों के बीच छिपे हुए किसी गिद्ध को इन्सान बनाने का कारण बन जाए


एक कदम प्रधानमंत्री के संग – A step with the prime minister


Pehli baar humare desh ko ek aise pradhanmantri mila hai jinko dekhkar wakai me aisa lagta hai ki haan yehi hai wo insaan jo desh ko lead karne me aur aage badane me purna roop se saksham hai. Unke tewar aur desh prem ki bhawna dekhkar andar se ye vishwash jaag uthta hai ki ab desh ko aage badne se koi nahi rokh sakta hai. Ye vishwash tab aur jyada gehra ho jata hai jab unke virodhi ke baato me “J” ki boo aati hai. Aajkal Virodhiyon ke chehre aur baaton me ghabrahat aur darr saaf dikhai de raha hai. Virodh karne ke liye kuch bacha nahi to purani ghisi piti baaton ko lekar hi baith jate hai humesha. Virodhiyon ka ye darr kis kadar bad gaya hai iska andaza aap isi baat se laga sakte hai ki desh ka pradhanmantri antarashtriya manch par apni maa ke prati apni sangvedna vyakt kar rahe hai aur wo unke is bhawna ka apmaan karte hai. Are itna bhi mat giro apni gandi rajneeti ke liye. Rajneetik kataksh to samajh me aata hai lekin jo kisi dusre ke bhawnao ka samman nahi kar sakte wo desh ka samman kya karega.

Khir choriye virodhiyon ko, unko apna kaam karne digiye lekin main un sabhi se anurodh karna chahta hu jo sach me desh ka bhala chahte hai wo ab khulke saamne aaye aur desh ko aage badane me humare pradhanmantri ka saath de. Kyuki ye hum sabke liye ek sunhara awsar hai desh ko fir se sone ki chidiya banane ka.

Kyuki desh ko lead karne wala aise pradhanmantri desh ko baar baar nasib nahi hota. Hum sab ka ye kartavya banta hai ki hum apne apne star par kuch na kuch desh ke bhalai ke liye contribute kare aur pradhanmantri ke saath kadam se kadam milakar desh ko bahot aage badhaye.

Mai aapko ye bata du ki main kisi bhi party ka karyakarta ya pracharak nahi hu. balki mai har us insaan ka samarthak hu jo insaniyat ka pakshdhar ho na ki kisi dharm ya sampraday ka.

Mera manna hai ki hum aam janta hai koi neta nahi aur isliye humara ray aur soch aam janta ke liye hi honi chahiye na ki kisi rajneetik party vishesh ke liya ya jaati aur dharm ke aadhar par.
Modi ji me mujhe desh ka sunhara future saaf saaf dikhta hai isliye main Modi ji ka samarthan karta hu. Mujhe bjp, congress, AAP ya kisi aur party se koi lena dena nahi hai.

Mai waise to Kejriwal ka bhi fan hu. unme bhi desh prem ki jhalak dikhti hai aur wo bhi desh ke liye bahot kuch karna chahte hai lekin unke saath ek problem hai ki wo bahot jyada nagative vichar ke vyakti hai. Unme achhi niyat to hai lekin unka nagative thinking mujhe achha nahi lagta hai. Har baat ke liye Modi ji ko jimmedaar thehra dete hai. Unki ye baat mujhe achhi nahi lagti hai. Aake paas karne ko jitna hai pehle wo to kigiye sirf dusro ko blame karte rehte hai. Aapko to pehle se hi pata tha ki Delhi ek kendra shasit pradesh hai aur waha mukhyamantri ke adhikar simit hai fir aapko kisi ko bhi blame karne ka koi adhikar nahi hai. Delhi ki janta ko bhi ye sari baate pata hai aur iske bawjood aapko bhari mato se jitaya hai aur isliye filhaal aapko sirf aur sirf Delhi ki janta ke liye hi sochna chahiye aur aapke adhikar ke antargat jo jo kaam aata hai pehle unko pura karna chahiye. Modi ji ko blame karke kuch nahi milega wo humare desh ke pradhanmantri hai aur pure desh ke bare me sochte hai. Aur aapne star ka kaam bahot achhe tarike se kar rahe hai.

Chhoti moti baaton pe unko blame karna kisi bhi prakar se sahi nahi hai. Internal samashyaon ke liye har rajya ka apna apna mukhyamantri hai. Kisi bhi prakar ka internal samashyaon ke liye jimmedari rajya sarkar ki honi chahiye na ki kendra sarkar ki. Agar modi ji hi akele sara kaam karenge to Mukhyamantrion ki jaroorat hi kya hai. Fir to saare mukhyamantriyon ko retirement le leni chahiye sabkuch modi ji hi samhal lenge.

Kisi bhi desh ke pradhanmantri ko jitna kaam karna chahiye unse 10 guna kaam kar rahe hai humare Pradhanmantri ji. Desh ke pradhan mantri kaa kaam antarashtsriya star par desh ko aage badane ka aur desh ki surakha ka hota hai aur baaki ka kaam rajya sarkar ki honi chahiye. Lekin virodhi chahte hai ki unke ghar ka kaam bhi Pradhanmantri ji hi aake karde. Tab unko lagega ki haa ab pradhanmantri kuch kaam kar rahe hai.

Are jo vyakti desh ki rashtra bhasha ko aage badhane ke liye antarashtriya manch par Hindi me bolte hai. Desh ki hi nahi pure vishwa ki ekta ke liye manavta ki baat karte hai. Desh ki janta se humesha jude rehne ke liye koi bhi avshar nahi chorte unki deshbhakti pe aap saq karte hai. Aur har baat ko raajneeti se jod dete hai. Ye kaisi raajneeti hai. Nhi chahiye hume aisi raajneeti jo rajya ki nahi balki sirf apne hit ke liye ho. Nhi chahiye aise neta jo desh ki janta se judne ki wajay apni angeri ko promore karta fire.

Hume apne pradhanmantri par pura bharosha hai aur isliye hum ye kasam khate hai ki hum apni taraf se koi bhi aisa kaam nahi karenge jo kisi bhi prakar se desh ke liye sahi nahi ho aur desh hit ke liye koi bhi contibution ka mouka kabhi nahi chorenge. Aur mujhe ye lagta hai ki har Hindushtani ke liye ye ek achha mouka hai ki wo bhi apni taraf se kuch na kuch desh ke liye jaroor kare kyuki ek akele pradhanmanti pe hum sara bhar nahi daal sakte hum sabko milkar desh ko upar uthana hai.


Jai Hind

मैं आरक्षण विरोधी हूँ Stop reservation system


Koi aarakshan ko hatwao yaar. Desh barbaad ho raha hai iske karan. Gadhe ghode ka mukhouta pehan ke aam logo ko gadha bana raha hai aur desh ko khai me dhakel raha hai. Jinhone bhi aarakshan system ko banaya hoga mai ye nahi keh raha ki kuch galat soch ke banaya tha beshak wo garibo ki bhalai sochke banaya tha lekin jati ke aadhar par categories karke unhone bahot badi galti kar di. Ab isko badalne ki sakht jaroorat hai. Jaha tak maine suna hai Dr. Ambedkar ne peechhdi warg ke logo ko aage badane ke liye sirf 10 saal ke liye ye kanoon banaya tha lekin humare rajnetao ne apni raajneeti sekne ke liye isko aage badha diya aur aaj tak ispar raajneeti kar rahe hai.

Aarakshan ka bahot jyada galat istmaal ho raha hai. Iske chakkar me humara desh bhed bakriyon ka desh banta ja raha hai aur shero ki sankhya ghatti ja rahi hai aap to dekh hi rahe hai kya ho raha hai.

Bahot dukh hota hai jab dekhta hu un logo ko jo apni mehnat aur kabiliyat se kisi tarah pahad ki choti par chadta hai aur dekhta hai ki sarkar ne pehle hi helicopter se ek aise aadmi ko us choti par baitha rakha hai jisko sidi bhi chadna nahi aata.

Ha mai aarakshan virodhi hu kyuki ye desh ko sahi mayne me aage badne se rok raha hai. Mujhe is baat ki bahot chinta hoti hai ki humare desh me talent ki koi kumi nahi hai besumar aise log hai jo desh ko aage badne me madad kar sakte hai lekin firbhi aarakshan wale ghatiya system ke chalte unko sahi se aage badne nahi diya jata. Mai aarakshan virodhi isliye hu kyuki iska labh sahi jagah pe nahi pahuch raha hai.

Aur kitna tukde karoge yaar desh ke. Alag alag dharm me to already bate hue hai aur upar se inme bhi SC/ST, OBC, GEN. Kya hai ye sab aur kitne tukde karoge insaan ka apne raajneetik swarth ke liye.

Sarkar aarakshan dekar logo ko aur aalsi bana raha hai logo ke hunar ko dabane ki koshish kar raha hai. Ab to bhed bakriyaan bhi befikra ho gaye hai aur jangal ko gherne ke liye apni senaye bada rahe hai bhai sarkar aarakshan rupi hathiyaar jo de rahe hai unko to darr kis baat ka. Bura mat maniyega koi, bas man ki bhadash nikal raha hu. Waise mai kisi ke khilap nahi hu. Mai to bas prem ka samarthak hu.

Agar desh ko sach me aage le jana hai to sabse pehle ye aarakshan system band karo aur talant ke aadhar par naukri do. Sirf aur sirf talant ki kadar karo na ki kisi jaat ki chahe wo koi bhi jaati ke ho tabhi ye desh sahi mayne me aage bad sakta hai.