दुःख से आज़ादी – How to freedom from sorrow


Dukh kyun hota hai ? Iska karan agar ek line me batana chahe to wo ye hai ki “Jab bhi hum kisi
chij se puri tarah se attached ho jate hai to hume dukh hota hai” Dunia me har tarah ke log
hai aur har kisi ka dukh ka karan alag alag ho sakta hai lekin in sabhi ke pichhe mukhya karan
ya yu kahe dukh ka jad yehi hai. Iska sabse bada udaharan agar dekhna ho to aap kisi bhi
chhote bachhe ko dekhiye. Kya bachhe kabhi dukhi hote hai ? Nahi, bachhe kabhi bhi dukhi nahi
hote. Haa agar uska khilouna chhin liya jaye to thodi der ke liye rota jaroor hai lekin bado
ki tarah kabhi dukhi nahi hote aur na hi stress ke karan unka baal pakte hai.

Bhagwan ne hume bachha banakar bheja hai yani ki ek aisa insaan jo kisi bhi chij se attached
na ho, dukh aur sukh se pare ek khushhaal insan. Lekin hum insano ne hi apne liye ye saari
dukh create kiye hue hai. Aur jiska ek hi karan hai “Bad Attachement” Yaha mai bad attachement
isliye keh raha hu kyuki chijo se attachement hona to insano ki fitrat hai lekin dukh tab hota
hai jab aap us attachement se bahar nahi nikal pate hai aur usi chij se jude reh jate hai.
Jyadatar log to is had tak jood jate hai ki puri zindagi unse bahar nikal hi nahi pate. To
dukh hona to swabhawik hi hai.

Bhagwat Geeta me bhi Bhagwan Krishna ne Arjun ke saath yehi kiya tha. Unhone apne pure saar me
Arjun ko samjhane ke liye bas isi baat pe focus kiya tha ki “Kisi bhi Vyakti ya wastu se
attach nahi hona hai” Arjun yudh isliye nahi karna chahta tha kyuki wo apne parijano se puri
tarah se emotionality attached the aur unse bahar hi nahi nikal pa rahe the.

Kehne ka sidha sa matlab ye hai ki aap jab bhi kuch kare to us kaam par apna 100 % de lekin
saath hi saath is baat ka bhi khayal jaroor rakhe ki jis teji se aap kisi vyakti ya wasu se ya
kisi kaam se judte hai usi teji ke saath aap khudko us situation se bahar bhi nikal sake.
Kyuki humara ye aadat bana hua hai ki hum apni khushi ke liye kisi vyakti ya wastu se jud to
jate hai lekin jaise hi wo humse door ho jate hai to hum use bardast nahi kar pate aur hume
bahot dukh hota hai.

Hum kisi bhi chij se itna emotionality attached ho jate hai ki kai baar hum uske alawa kisi
aur chij ke bare me soch hi nahi pate. Udaharan ke liye aap kisi ladki ke pyar me itna jyada
emotionality attched ho jate hai ki kayi baar aisa lagta hai ki iske alawa aur dunia me kuch
bhi nahi hai aur jab breakup ho jata hai to mano aisa lagta hai jaise puri dunia hi aapse muh
mod liya ho. Aisa kyu hota hai ? Kyuki aapko us ladki se “bad attachement” tha. Kisi bhi chij
se itna jyada attached nahi hona chahiye ki usse door hone ke baat aap dukhi ho jaye.

Bhagwan ne hume itni khoobsurat zindagi di hai to use enjoy kare. Man me jo bhi khwaise hai
emotions hai use daba ke na rakhe. Kisi ek khushi se judkar dunia ki baki khushiyo ko ignore
na kaare. Apne dayre se bahar aakar dekhiye, sochiye aur kariye. Humare saath problem ye hota
hai ki hum kisi ek chij ko pakadkar reh jate hai aur zindagi bhar kisi kue ki medak ki tarah
apni soch ko bhi usi kue ke dayre me hi rakhte hai. Aur hume lagta hai ki iske alawa aur kuch
bhi nahi hai dunia me bas jo hai yehi hai. Are nahi aisa bilkul nahi hai humara soch aisa
isliye bana hua hai kyuki humare aas pas bhi sabhi aisa hi sochte hai. Bachpan se hi humari
aisi programming ho rakhi hai ki hum apne dayre se bahar soch hi nahi pate aur jo log soch
lete hai wo humesha khush rehte hai.

Isliye jaroori hai ki bhed chal se nikalkar apni chal me chale aur dekhiye kitne aur raste hai
jisme chalke aap bahot khush reh sakte hai aur dusro ko bhi khushiyan de sakte hai. Kisi ek
chij ko leke na baith jaye ki bas jo hai yahi hai iske alawa kuch nahi ho sakta ya humara to
luck hi kharab hai bla bla bla…Bas apna mind me itni si baat rakhe ki hume humesha khush
rehna hai aur iske liye pehle aap apne aapko neutral mode me karle. Matlab ki aap bachha ban
jaye, sare vicharo se mukt. Aur fir khudko analyse kigiye ki aapko kis chij me khushi milti
hai. Kyuki jab aapka dimag neutral mode me hoga tabhi aapka soch bhi natural hoga. Khush hone
ke karan bhi genuine aur positive honge na ki banawati. Aur jaise hi aap ek chij ko pura kar
lete hai aur khush ho jate hai aap usse bahar bhi nikal aaye aur dubara se neutral mode me aa
jaye use chipak mat jaye kyuki jaha aap kisi chij se chipak ke reh jate hai wahi se aapka dush
ka karan suru ho jata hai aur fir aapka dhyan kisi aur khushi ki taraf nahi ja pata hai.

Jab aap is tarah se zindagi jine ka habit daal lenge to aap kabhi bhi dukhi nahi honge. Kyuki
aap kisi chij se attached nahi honge. Aaapka mind humesha neutral mode me rehega. Aur aap jab
chahe kuch bhi naya karne ke liye humesha taiyar rahenge. Aapke jivan me har din kuch na kuch
naya hota jayega aur aap humesha khush rahenge. Koi bhi dukh aapko hila nahi payega. Kabhi
agar dukh aaya bhi to aap aashani se usse bahar bhi nikal aayenge.

Har chij ko dekhne ka nazariya hi badal jayega aapka. Aap dheere dheere sach ki aur badne
lagenge. Aur fir ek din aisa aayega ki aapki khushi paise ya kisi wastu me nahi balki is dunia
ka sach janne me hogi apne body ka sach janne me hogi. Aap is sachai ko jan payenge ki asli
khushi paiso me nahi balki apne aapko janne me hai pehchanne me hai.

Also read How to be happy in life ?


Advertisements

Customize your mind to remove illusion which rise sorrow for you


Khush rehne ka sabse best tarika ye hai ki aap apne mind ko customize karna sikh le. Agar aapne ye karna sikh liya to aap kabhi bhi dukhi nahi honge.Kyuki dunia me jitne bhi problems hai sara khel is mind ka hi hai.Humara sukh-dukh sab kuch isi mind se juda hua hai.

Isliye agar hum apne mind ko kisi bhi situation ke hisab se customize karna sikh le to dukh ka koi karan hi paida nahi hoga.

Sabse pehle baat karte hai ki hum dukhi kyu hote hai ? Iska seedha sa uttar ye hoga ki hum dukhi tabhi hote hai jab koi chij humare anusar nahi hota hai. Aisi chij ya ghatna ka ho jana jo aapke mind ko pasand na ho ya yu kahe ki aapke mind ke khilap ho yehi humara dukh ka mukhya karan hota hai.

Udaharan ke liye aapne apne bachcho ke liye apne man me bahot sare sapne sajaye rakhe hai. Ye sapne kuch bhi ho sakta hai jaise mujhe apne bete ko doctor banana hai ya fir unke shaadi liye pehle se hi ladki pasand karke rakha hai, ya fir ye ummid palke rakhe hai ki bade hokar meri budape ki lathi banega aur mera seva karega bla bla bla jo ki normally har maa baap sochte hai.

Aur fir hota hai bilkul iska ulta. Is situation me dukh ka hona to swabhawik hai. Yaha tak to samajh me aata hai aur ye baat koi nayi bhi nahi hai har kisi ko pata hai.

Lekin baat yaha se suru hoti hai ki aise situation me kya Kare ? Kya ye soch soch ke rote rahe, kya apne bachcho ko ghar se nikal de ya fir kuch aur ?
Koi bhi dukh panapne ka mukhya karan hi hai ki humara mind bahot sare illusions ka shikar hota hai. Ye illusions is had tak gehri hoti hai ki hum reality ko dekhkar bhi andekha kar dete hai.

Aisa mat sochiye ki illusion ka shikar sirf anpad log hi hai aur gaon me rehne wale log hi hote hai. Ye aapka bhram hai. Ye reality hai ki humare desh ka lagbhag har vyakti kisi na kisi illusion ka shikar hai. Koi rudiwadi soch ka to koi apne man me pale hue vicharo ka. Ye aise vichar hote hai jo reality se kosho door hote hai lekin aapke dil ke karib hote hai. Aur reality ke saamne aate hi jaise hi aapke illusion tutte hai aap dukhi ho jate hai.

Ab baat karte hai solution ki. Ki hum dukhi hone se kaise bach sakte hai.

Pehla kaam to ye hai ki aap apne man me kisi bhi tarah ka illusions ko panapne hi na de. Aap jo kuchh bhi kare sab kuch reality ke base pe honi chahiye. Agar aap reality ke base pe koi bhi kaam ki suruaat karenge to aapko kabhi dukh nahi hoga ya bahot ki kum se kum hoga. Jaise ghar me kisi ki mrityu ho jati hai to hum rote hai. Isme bhi illusion hai lekin kuch din ya mahino ke baad fir hum sab bhoolkar normal zindagi jine lagte hai, ye reality hai. Lekin jo vyakti is illusion se bahar hi nahi nikal pate hai uska dukh kabhi kum nahi hota hai aur Wo depresion me chale jate hai.

Jis tarah hum apne mobile apps ko apne hisab se customize karte hai thik usi tarah se hume apne mind apps ko bhi customize karne ki jaroorat hai. Jis tarah hum apne mobile me sirf jaroori files ya apps ko hi rakhte hai aur un hevey files ko delete kar dete hai jinki wajah se humara mobile hang kar jata hai thik usi tarah se hume un sare heavy files aur apps ko humare mind se bhi nikalke fenkna hoga tabhi humara man shant aur khush reh sakte hai.

Mobile ki tarah hi humara mind me bhi storage hota hai aur jaise jaise ye storage me heavy files upload hote jate hai humara mind kaam karna band kar deta hai aur hum dukhi hote jate hai.

Ab baat karte hai ki ye mind apps kya kya hai.

1. Ye mind apps hai humara past ki ghatnaye jo ki hume beech beech me yaad aati rehti hai aur hume sukh aur dukh dono ka aabhash karata hai.

2. Humara present ka work jo hum har roz karte hai hai. Chahe wo office ka kaam ho ya ghar ka.

3. Teesra hai humara future ka sapna. Ye ek aisa app hai jo humesha background me chalta rehta hai running application ki tarah. Ye sabse khatarnaak apps hote hai jo hume jyada dukhi karta hai.

4. Aur choutha hai humara illusions jo ki bachpan se hi humare mind me thuns thuns ke itna bhara hua hai ki aur kuch rakhne ke liye jagah hi nahi bacha hai.

Ab baat karte hai uprokt charo points se kaise nipta jaye.

1. Kai budhhijivi log aksar hume ye rai dete hai ki purani baaton ko yaad mat karo use bhool jao future ki socho aur zindagi me aage bado. Lekin is mamle me mera vichar thoda alag hai. Humara mind ka function aisa hai hi nahi ki hum purani baato ko sochna band kar de ya use bhool jaye. Aisa bas ek hi situation me posible hai jab humara yaddast chali jaye. To mera ye manna hai ki hum purani baato ko bhulane ki wajay hum sirf un purani baaton ko yaar kare jab humare saath kuch achha hua tha. Halaki hume wo baate bhi yaad aayengi jab humare saath kuch bura experience hua tha. Lekin in yaadon ko humare mann me hawi nahi hone dena hai. Jaise hi ye baate humare mind me aayenge usi waqt hum un baaton ko yaad karne ki kosish karenge jab humare saath kuch achha hua tha. Itni badi life me agar kuch bura hua hai to kuch na kuch achha to jaroor hua hoga. Hum un baato ko yaad karke positive reh sakte hai aur apna energy level bahot had tak bada sakte hai. Ye achhi baate bhale hi purani ho lekin hume humara achhai ka yaad dilata hai. Yehi achhai hume jivan me ladne ka shakti deta hai aur hume kabhi tutne nahi deta hai. Agar vishwash nahi hota to aap practically ise aajma ke dekh lena. Jab bhi kabhi aapke saath kuch bura ho us waqt aap apne past me hue achhe experience ko yaad kar lena aap dekhoge ki aapko us sitiation se ladne ke liye wahi energy kaam karti hai.

2. Humara roz marra ki kaam. Chahe ghar ka kaam ho ya office ka jabtak hum kaam ko duty samajhkar karenge hume us kaam se stress hi milega. Mera manna hai ki hum kaam ko kaam na samjhe. Ji haa sunne me ye ajib lag raha hoga aapko lekin ye sach hai. Jab tak hum kaam ko sirf apna duty samajh kar ya presure me aakar karte rahenge tabtak hume achhe output ki wajah sirf stress hi milega. Hum baat baat me ye kehte hue sunte hai ki free mind me kaam karo to kaam sahi se hoga. Ye free mind kya hai ? Free mind kiska hota hai. Humara mind me to itna sara keeda bhara hua hota hai ki ye kabhi free ho hi nahi sakta hai. To kare kya ? Iska jawab bahot hi simple hai. Hume bachche banke kaam karna padega kyuiki free mind sirf bachcho ka hi hota hai. Kai baar aapne note kiya hoga ki bachche khel khl me aise aise kaam kar jate hai ki aap achambheet reh jate hai. We aisa isliye kar pate hai ki unka mind free hota hai. Wo kaam ko khel khel me kar jate hai aur hum apna sada hua dimag lagate reh jate hai. Aur soch soch me puri zindagi guzar dete hai.

3. Teesra karan ye hai ki hum future ke baare me sochne me itna jyada busy ho jate hai ki hum present ke achhe palo ko kho dete hai. Bhai future ke baare me sochne me itna vyast rahoge to jeeoge kab. Hum future me itna jyada busy hote hai ki hum har kaam ko future ke saath jodke karne lag jate hai. Kaam ko bas kaam ki tarah karte rehte hai. Apne future ke sapne ke liye present ke khushi ke palo ko kuchalkar bail ki tarah kaam karte rehte hai. Hum ye nahi kehte ki aap future ke sapne dekhna chorde. Lekin hum storage se jyada aplications nahi daal sakte apne mobile me. Ya to aap apne jaroorat ke chhote chhote apps download kare ya fir ek hi badi movie ki file download kare. Aaap dono chije ek saath nahi kar sakte. Iska seedha matlab ye hai ki ya to aap chhote chhote bahot se sapne dekhe jo ki aasan ho ya fir ek hi bada lakshya rakhe aur usi me apna puri takat lagade.

Agar aap chahte hai ki nahi mujhe dono hi chije karni hai. Chhote chhote sapne ke saath saath bahot bade bade sapne bhi pure karne hai. To iske liye aapko apna storage ko badana padega. Ye bada storage kya hai ? Humara experience. Jaise jaise humara experince badta jata hai humare storage bhi badta jata hai.

4. Aur choutha hai humara illusions. Iska tootna bahot hi jaroori hai. Jabtak ye tutta nahi hai tabtak ye aapko life me aage nahi badne deta. Bachpan se leke abtak aapne jo kuch bhi suna hai ya sikha hai usko reallity ke base pe review karna bahot hi jaroori hai. Nahi to dunia bahot aage nikal jayegi aur aap bhram me hi jeete rahenge.

Isliye mera manna yehi hai ki ab tak jo ho gaya so ho gaya lekin ab hum sabko apne aapko dubara se riview karne ki jaroorat hai. Bachpan se humare mind me jo bhi programming ki hui hai aur jinki wajah se illusions create hue hai un sab ko dubara se reality ke base pe review karne ki jaroorat hai. Tabhi hum sab khush reh sakte hai. Nahi to humesha ki tarah dukho ka peetara leke ghumte rahenge zindagi bhar.

Also read How to be positive ?


Addiction bad or good manners? लत बुरी या अच्छी आदत ?


Har vyakti chahe aap ho ya mai kisi na kisi lat ka shikar hote hi hai. Lekin sawal ye hai ki lat lagna ek achi aadat hai ya buri ? Ye tay karna sayad sabke liye alag alag ho. Normally hum yehi sunte aaye hai ki lat lagna buri aadat hai. Insan ko kisi chij ka lat nahi lagana chahiye. Halaki ye lat buri ya achhi dono hi ho sakti hai aur situation ke hisab se badalti bhi rehti hai.

Mera ye manna hai ki jab aap apni dil ki sunke koi bhi kaam puri lagan se karte jate hai use hi lat kahte hai. Jaise aapko koi TV show (bachpan me Krishna aur Mahabharat ko hi le ligiye) ya koi book bahot jyada pasand aa gaya aur aapki situation aisi hai ki aap ise dekhe ya pade bina nahi reh sakte. Ya fir sharab ya sigrate ki lat jise aap chhor nahi sakte. Yani ki dono hi case me aapko kisi vyakti ya wastu se dil se lagaw ho jata hai aur aap use bahot jyada pasand karne lagte hai aur fir aapko us vyakti ya wastu ki lat lag jati hai.

Jab hum ye kehte hai ki insan ko dil se sochna chahiye aur dil ki karni chahiye kyuki dil humesha right hota hai. Fir kisi chij ka lat lagna bura kaise ho sakta hai ?

Insan tabtak koi bhi kaam puri shradhha aur lagan se nahi kar sakta jab jak ki use us kaam ko karne me achha na lage ya use karke khushi na mile. Yani ki agar kisi vyakti ko kisi chij ka lat hai to ye kisi dusre vyakti ya wastu ke liye achha ya bura ho sakta hai lekin us vyakti ke hisab se to achha hi hai kyuki use us kaam me dilchaspi hai aur wo use dil se karna pasand karta hai.

Is dunia me sari ladayi to isi baat ka hai ki aapko jo pasand nahi hai aap use swikar nahi kar sakte aur agar wo chij koi aur kare to aap use swikar nahi kar sakte. Yani ki aap us vyakti ko dil se bardast nahi kar sakte kyuki wo aapke vipreet swabhav ke hai. Dusri taraf wo bhi aapko swikar nahi sakte kyuki aap unke liye veeprit swabhaw ke hai.

To fir is beech me achhai ya burai kaha se aa gayi. Ye pasand aur na pasand ki baat ho sakti hai lekin achhai ya burai ka nahi.

Mere manna hai ki koi vyakti ya wastu bura hai is baat ka decide sirf ek hi sart par ki jani chahiye agar us vyakti ya wastu se kisi dusre vyakti ko saririk ya mansik nuksan pahuchta ho. Kyuki ek hi chij different situation ke hisab se achha ya bura ho sakta hai. Udaharan ke liye agar kisi dharm sthal par baith ke koi sharab piye tab ye baat buri hai lekin wahi sarab agar beer baar me jake piye to isse hum buri nahi keh sakte kyuki ye uske liye sahi jagah hoga aur isse kisi dusre vyakti ka mansik nuksan bhi nahi hoga kyuki uske aas pass sare sarabhi hi honge. Dusri taraf agar beer baar me koi bhakti gana baja de to ye buri baat hogi kyuki ye gana us waqt un sarabiyo ke liye maansik haani pahuchayega. halaki yehi gana usi vyakti ke liye achha bhi ho sakta hai jab wo ye gana kisi dharm sthal pe ya kisi dusre jagah jake sun raha hoga.

Mera kehne ka sidha matlab yehi hai ki aap aur mere paas is baat ka decide karne ka adhikar nahi hona chahiye ki koi bhi vyakti ya wastu achhi ya buri hai. Aap ye decide tabhi kar sakte hai jab aapko ya kisi aur ko us vyakti ya wastu se saririk ya mansik nuksan pahuch raha ho.

Yaha pe main ek baat spasht kar dena chahta hu ki main kisi bhi prakar se kisi ko bhi sharab peene ke liye uksa nahi raha hu. Mai bas saral example ke dwara sirf ye batane ka prayas kar raha hu ki kisi ko bhi kisi vyakti ya wastu ke bare me bina soche samjhe direct bura bhala nahi kehni chahiye. Har kisi ko apna pakshchh rakhne ka mouka jaroor milni chahiye. Isse baat banti hai bigadti nahi hai. Kyuki agar aap sirf isliye directly kisi ko kuch bhi bol dete ho kyuki wo chij aapke hisab se sahi nahi hai ya aapko achha nahi lagta to samne wala lagna hi lagna hai. Aur is tarah se behash chhedti hai aur fir baat bad jati hai.

Jo bhi ho lekin ek baat to spast hai ki agar aapko kisi chij ka lat hai chahe wo kisi bhi chij ka kyu na ho. Iska matlab ki aapme ek bahot hi khash khubi hai. Wo ye ki aapke andar ekagrata hai aapme kaam karne ki lagan hai. Aapme wo kabiliyat hai jisse ki aap chahe to kisi bhi khetra me aage bad sakte hai.

Lat ya aadat situation ke anusaar banta hai. Jaruri nahi hai ki agar koi vyakti sharabi hai to wo zindagi bhar sharabi hi rahega. Ho sakta hai ki kisi din wo ek mahan yogi ban jaye. Ye depend karta hai sirf aur sirf situation ke anusaar. Ye kehna galat hai ki koi vyakti achha ya bura bane ye unke haath me hai. Asal me aaj ke mahoul me insaan me wo patience nahi bacha hai ki wo apne aapko apne hisab se baandhkar rakhe.

Insaan chahe kitni bhi koshish kar le wo mahoul ke hisab se badal hi jata hai. Kisi vyakti ya wastu me badlaw uske aas pass ke mahoul se hi hota hai. Udaharan ke liye agar aapke ghar me puja path wala mahoul ho ghar ke sare log din bhar bhagwan ki bhakti ki baat karta ho to aap chahe ya na chahe usi roop me dhal hi jate hai. aisa 99 % case me hota hi hai. Gine chune log hi honge jo situation ke anusaar apne aapko nahi badal pate ya nahi badalte.

Agar aapko kisi chij ka lat nahi hai to aap zindagi ko achhe se ji nahi payenge kyuki aap koi bhi kaam pure lagan ke saath nahi kar paynge.

Insan ka ye fitrat hota hai ki jabtak wo kisi chij ko jo use pasand hai puri tarah se pa na le tab tak wo uske baare me sochta rehta hai aur is chakkar me wo kisi aur kaam me man nahi laga pata hai. Isliye jaroori hai ki aapko agar koi chij pasand hai aur aap use karna ya pana chahte hai to aap uska lat laga ligiye kyuki jab tak aap kisi chij ka lat nahi lagayenge tab tak aap us chij se peecha nahi chhuda sakte. Aap tabtak kisi chij ko karte rahe jab tak ki aap karte karte bore na ho jaya aur aapka dil khud kahe ki nahi ab aur nahi kar sakta. Agar aapko mithai khane ka lat hai. To aap ek din itna mithai khaiye ki aap khate khate bore ho jaye aur aap ko mithai se nafrat ho jaye. Yehi ek tarika hai kisi bhi buri lat ko chudana.

Aaj insan ke andar sabse bada rog ye hai ki wo apni khwaiso ko apne ander dabake rakhta hai aur isi karan dheere dhhere unke andar chidchidapan aa jata hai. Ye bahot khatarnak bimari hai kyuki aisi sthiti me aap man hi man bahot ghutan mehsoosh karte hai aur iska asar dheere dheere aapke aas paas ke logo par bhi padne lagta hai. Chhoti chhoti baaton pe gussa karna, kisi se panga le lena iska lat pad jata hai aapko.

To jaroori hai ki is buri lat se agar bachna hai to aap aisi lat lagaye jo aapka dil chahta hai aur aapko wo karne me achha lagta hai. Chhoro dunia ko sirf apni dil ki suno aur wahi karo jo aapka dil sach me karna chahta hai chahe wo aapke liye achhi ho ya buri. Kyuki sachai ye hi hai ki aap jitna apni khwaish ko dabane ki koshish karenge utna hi wo aapka peecha karega aur aap utna hi jyada pareshan honge.

Kyuki jabtak aapki andar ki ichhayen aapka peecha karti rahegi tabtak na hi aap khush reh payenge aur na hi aap apne family ko khushi de payenge. Agar aap dunia ko khush dekhna chahte hai to pehle aap apne aapko khush rakhiye. Kyuki ander se aap jaisa honge bahar se dunia bhi aapko waisi hi dikhegi.

Mujhe malum hai ki upyuk baaton se aap shayad sehmat nahi bhi ho sakte kyuki mere is lekh me kahi na kahi humare Indian soical values ko darkinar kiya gaya hai. Lekin mera manna hai ki social values apni jagah hai. Social values ko humne hi create kiya hai bhagwan god ya allah ne nahi. Emotions humara khud ka creation nahi hai. Agar bhagwan ne hume emotion diya hai to besak soch samajh ke hi diya hoga aur agar hum apne emotions ko dabakar rakhe to ye prakriti ke niyamo ke khilaf hoga.

Mai samaj, dharm ya kisi ka bhi virodhi nahi hu lekin mera manna hai ki prakriti ne hume banaya aur sirf prakiti ko chhorkar humne baki sabkuch banaya chahe wo samaj ho dharm ho ya kuch aur lekin durbhagya ye hai ki jisne hume banaya unke rule ko follow nahi karke hum sirf apne hi banaye rules ko follow kar rahe hai chahe wo prakriti ke khilaf hi kyu na ho. Hum samaj ya dharm ki dar se prakriti ke niyamo ko hi palan karna bhul jate hai aur apne andar ki sachhi emotions jo ki aapka dil chahta hai kahi na kahi zindagi bhar apne ander hi dabake rakhte hai.


The real key of success in life – सफलता की कुंजी


Hum har roz apni zindagi ka jyadatar waqt kuch pane ki chah me bita dete hai bina ye soche ki hum kya kho rahe hai. Hum successful hone ke liye itna pagal rehte hai ki iske liye hum kuch bhi karne ko taiyar rehte hai. Hum apna future banane ke chakkar me itna jyada vyast rehte hai ki hum vartmaan me jeena hi chhor dete hai. Humara sharir to vartmaan me hi rehta hai lekin mann future me laga rehta hai.

Aajkal jyadatar log tanav me jite hai. Tanav bhi itna jyada ki bahot se log depression ka shikar ban jate hai. Dinbhar office me kaam karke itna stress ho jata hai ki uska asar sham ko ghar jakar ubhar kar aata hai. Dheere dheere humara stress itna jyada barh jata hai ki hum chidchida ho jate hai. Chhoti se chhoti baaton pe hume bahot gussa aane lagta hai.

Is stress ka bahot hi bura asar humare zindagi me padta hai. Ye stress slow poison ki tarah humarri zindagi ki khusiyo ko humse cheen leta hai.

Aisa kyu ho raha hai kya kabhi humne iske vishay me gehrai se socha hai ? Kya successfull hone ke liye kahi hum galat disha me to nahi bhag rahe hai ?

Jee haa, hum yehi kar rahe hai. Mujhe lagta hai ki hum sab successfull ki paribhasha ko sahi se samjhe hi nahi hai. Hum sab success ki peeche blind hokar bahot teji se bhaag rahe hai bina ye jane samjhe ki hum jis raste pe bhag rahhe hai kya wakai me wahan success hai ya nahi.

Aaiye ek nazar daalte hai ki hum success pane ke liye kya kya karte hai aur kaha kaha bhatakte hai. Hum khusi ki talash me kya kya nahi karte kaha kaha nahi jate lekin firbhi hum khus nahi ho pate hai.

Abhi hum jo bhi stress lekar ghumte hai asal me iski suruat bachpan se hi ho jata hai.

Humara education system aisa hai ki bachpan se hi school se lekar college tak padai pura karne ke liye hum sirf pressure jhelte hai. Aur reason bhi hai kyuki humare updar 99 percent marks lane ka pressure jo hota hai. Yaha mai aapko ye clear kar du ki mai education ke khilap nahi hu. Education life me bahot hi jaroori hai lekin humara education system hi aisa hai ki ye sirf zindagi katne ke liye kaam aata hai na ki zindagi jine ke liye. Zindagi katne ke liye survival ke liye education bahot zaroori hai lekin zindagi jine ke liye jis chiz ki jaroorat hoti hai wo aapko education se nahi mil sakta.

Jyadatar log bina target ke apni padai puri karte hai. Hum 12th tak to bina kisi lakshya ke bas pressure jhela fir 12th ke baad ye decide karne ke liye alag se presure ki kon sa career select kare. Doctor banna hai ya enginior, IT me jana hai ya teacher banna hai. Fir hum jab khud decide nahi kar pate hai to kisi se salah mangne jate hai. Aur fir wo salah bhi bina kuch soche free me baant deta hai ki beta tum doctor ban jao. Koi chacha kehte hai ki nahi beta tum engineer ban jao ko kahi se salah aata hai ki nahi IT field sahi hai. Isi kasmkash me logo ke dekha dekhi me hum apna career banane ke liye fir se kadi mehnat karne jut jate hai. Aur fir 5-6 saal ki kadi mehnat karne ke baad degree prapt karte hai aur fir as a fresher kisi company me 8-10 hazar ki noukri karne lagte hai. Wah kya zindagi hai !

Fir job me 5-6 saal mehnat karne ke baad kisi tarah 25-30 hazar ki salary me pahoch jate hai aur fir tab jake ye ehshas hota hai, yaar bahot boring life ji raha hu. Mujhe is kaam me man hi nahi lag raha hai. Life bahot stressful ho gaya hai. Ander se ek aawaj aati hai ki mai 25-30 hazar kama to raha hu lekin firbhi mai khush nahi hu.

Fir kafi analyse karne ke baad aakhirkar usko ye pata chalta hai ki wo khush kyu nahi hai. Kyuki aajtak usne kabhi bhi apni dil ki aawaj nahi suni. aajtak wo sirf wohi karta aa raha tha jo ya to usko apni virasat me mili thi ya dusro ki salah se, ya logo ki dekha dekhi me.

Bachpan se hi wo ek artist banna chahta tha. bachpan se hi use singing ka aur painting ka soq tha.
Lekin us waqt agar wo sahi disha me apna goal set karta to sayad aaj wo ek singer ya painter ban sakta tha.

Lagbhag 15-20 saal ke kadi mehnat karne ke baad kya haasil kiya stressfull bhari zindagi.

Ab sochiye itna mehnat karke itni saalo ke baad bhi agar uske man me ye sawal rehta hai ki yaar mai khus nahi hu, mai succeessfull nahi hu. To isme ek sawal jaroor khada hota hai ki galti kiski hai ?

Kya unki jo unhe muft se salah deta tha ya parents ka jo ki ya to apni virasat me mili kaam ko hi apne bachho ke liye set karte hai ya fir wo apne hisab se apne bachho ka career tay karte hai ?

Ya fir wo khud iska jimmebaar hai kyuki usne kabhi bhi apni dil ki nahi suni aur 20-25 saal confusion me hi bita diya ?

Upyukt baato se itna to pata chalta hi hai ki khus rehne ke liye ya successful banne ke liye ye jaroori nahi ki hum kuch banne ke piche bhage balki jaroori ye hai ki hume jo pasand hai hume jis chij se khusi mil ti hai hai hum usi ko karte chale jaye. Meri guarantee hai ki aap ek din na ek din wo jaroor banenge jo aap dil se banna chahte hai. Wo bhi 20-25 saal me bhi nahi balki 10 saal me hi aap wo ban sakte hai jo aap dil se chahte hai aur dil se karna pasand karte hai, jis kaam ko karke aap khus reh sakte hai. Kyuki jis kaam ko aap sachhe dil se karte hai usko pane ke liye aapko bahot jyada mehnat bhi nahi karni padti aur na hi use karne se aapko koi stress fill hota hai.

3 idiots me Aamir khan kehte hai ki “Kabil bano success jhak marke tumhare piche bhagegi” Ye sach baat hai lekin aap kabil sirf usi kaam me bane jiske aap wakai me kaabil hai. Agar aapke ander actor banne ki kabiliyat hai to aap actor hi bane na ki doctor. Nahi to aap kisi tarah doctor to ban jayenge aur achhi khasi paise bhi kama lenge lekin aap kabhi khus nahi reh payenge. Dusri taraf agar aapme acting ka keeda hai to lagatar us disha me mehnat karne ke baad aap bhale hi Amitabh Bachha jaise bade actor nahi ban paye lekin aap theter ke actor to ban hi sakte hai. Aur sabse badi baat ye hogi ki aisa karke aap bahot khush rehenge.

Ab ek bahot badi samasya hoti hai sabke sath kisi bhi field me career banane ke liye. Wo hai darr ! aur ye sach bhi hai. Pehli baar kuch bhi naya karne se pehle aapko darr to lagta hi hai. ye ek sachai hai jo hum sab jante hai. Lekin mera ye manna hai aur khud ka experience bhi raha hai ki darr bhagane ka kewal ek hi tarika hai, aur wo hai darr ka saamna. Jitna aap darr se bhagenge darr utna hi aapka peecha karega. Behtar yehi hai ki aap uska samna kare. Darr bhagane ka iske alawa koi rasta hai hi nahi.

Udaharan ke liye aapko stage pe jane se darr lagta hai aur tab tab tak lagta rahega tab tak ki aap stage me nahi chale jate. Aur jaise hi ek baar aap himmat karke stage pe chale jate hai dheere dheere aapka darr kum hota chala jayega. Aur fir ek din yehi darr khusi me badal jayegi. Jis stage pe jane se aap darte the ab usi stage me jane se aapko khushi ka ehshash hoga.

Ab mai aapko darr bhagane ka ek behtarin tarika batata hu.

Darr ko hum kis tarah se positive way me le sakte hai ? iske liye mai aapko ek udaharan deta hu.

Ek ladka apne dosto ke saath picnic manane ke liye gaya. waha pe uske sare dosto ne milkar adventure ke liye plan kiya. Karna ye tha ki ek uchi jagah se niche bane jheel pe chhalang lagani thi. Ab ek ek karke uske dosto ne chhalang lagana suru kiya. Ab jab uski bari aayi to niche gehrai ko dekhkar uske mann me ek darr paida hua, jo ki kisi ke liye bhi swabhawik si baat hai. Itni uchi jagah se chhalang lagana koi aasan baat to hai nahi. Wo baar baar himmat jutata chhalang lagane ke liye lekin niche gehrai ko dekhkar darr jata tha aur apna kadam peeche hata leta tha.

Ab kya hua ki uske baaki ke dost bhi peeche khade apni bari ka intzar kar raha tha aur baar baar use jaldi se jump lagane ke liye keh raha tha. Lekin jaise hi wo niche dekhta aage ka darr uspar hawi ho jata tha.

Ab kahani me twist ye hai ki jaise jaise uske peeche ke dost use niche jump karne ke liye keh raha tha waise waise uska mind ab dusre disha me jane laga. Ab wo ye sochne laga ki agar abhi jump nahi kiya to meri sabke saamne badi insult ho jayegi. Sab log zindagi bhar mujhe chidayenge tu tu darpok hai. Dosto ke samne meri fir kya ijjat reh jayegi.

Kehne ka matlab ye hai ki jo darr ab tak uske saamne khai ko dekhkar lag raha tha. Ab usse jyada darr usko is baat ka tha ki agar abhi jump nahi kiya to meri bahot badi insult ho jayegi. Ab dheere dheere uske mann me confident jagne laga ki chalo jo hoga dekha jayega jump kar hi deta hu. Aur logo ne bhi to kiya aur wo jheel me kitne maze kar rahe hai. Mai bhi kar sakta hu. Aur ye kehkar wo jump kar deta hai aur khub enjoy bhi karta hai.

Is kahani ka saar ye hai ki jabtak darr ko aap apne aage rakhenge tab tak aapko darr lagega aur jaise hi darr ko aap apne peeche le jayenge to darr apne aap khatam hota jayenge aur appme confident badedega aur experience bhi. Ab aap bhi dusre ko jump lagane ke liye prerit kar sakte hai kyuki aap us darr se guzar chuke hai. Darr ko apni takat banaye kamjori nahi darr ko apne peeche rakhiye aage nahi.

Aur jaha tak success ki baat hai. Success kisi mukam tak pahuchne ka naam nahi hai balki success chhoti chhoti baaton me hi chhipa hota hai. Success aapke aas pas me hi hai aapko bas apna najariya badalne ki jaroorat hai. Success apni nazar me bano dusro ko dikhane ke liye.

Jaroori nahi hai ki har koi Tata Bidla, Ambani, ya Bil Gate jaisa bane tabhi wo successful hoga. Humare saath problem ye hota hai ki starting se hi successful ka matlab hum galat samajhte aa rahe hai. Hume yehi lagta hai ki hum kisi khash mukam par pahuchenge tab successful ban jayenge. Jabki sachai ye hai ki jab tak aap us mukam par pahuchenge tab tak aapke liye successful ka meaning bhi change ho chuka hoga kyuki us waqt aapki khwaise badal chuka hoga. Us waqt us mukam par pahuchne ke baad bhi tab aapke liye successful ka matlab kuch aur hoga. Tab aapko sachmuch me is baat ka ehsash hoga ki aapne successful banne ke liye kya kya khoya hai. Tab aap success to honge lekin sirf dusre ki nazar me. Tab aap chahke bhi us pal ko wapas nahi la payenge jiski us waqt aapko talash hogi. Aaapke success ki khushi ko jiske saath share karna chah rahhe honge aap ke paas wo maa baap nahi honge. Aapke paas dost to honge lekin wo sirf business friend honge. Us waqt aapko jis dost ki talash hoga wo aapse bichhad chuka hoga ya fir uska aapke prati nazariya badal chuka hoga. Kyu wo apne aapko alag samajhne lagega.

Isliye jaroori ye hai ab aap jaha bhi hai. Apna nazariya abhi se badal ligiye. Koi bhi kaam kare chahe chhoti ho ya badi use khel samjhiye, jo bhi kare without pressure. Jaise ki aap bachpan me khelte the. Zindagi ke pakke khiladi bane. Khel khel me zindagi jeene me jo maza hai wo aur tarike me ho hi nahi sakta.

Successful banne ke liye apna vartmaan ko mat kho digiye. Successfull to ek sadak ka bheekhari bhi so sakta hai agar wo apni life me khush rehna sikh liya ho to.

Also read How to be happy ?