Is Denomination kills humanity ? क्या सम्प्रदाय मानवता को मारता है?


Aajkal desh me dharm ke thekedaron ki kami nahi hai. Ek to desh sampradayik dango se aise hi jujh raha hai updar se kuch mahan log unme ghee daalne ka kaam kar rahe hai. Har koi appne apne dharm ka vishtar karne par laga pada hai. Koi kehta hai hai ki Hindustan me rehne wala har vyakti Hindu hai to koi Jihaad ke naam pe apna alag hi ladai chhed rakha hai. Koi Tajmahal pe apna haq jata raha hai to koi Ramjaze jaisa bayan dekar sansad me hungama khada karwata hai.

Warso se humara Pyara Hindustaan aur Hindustani is mandir masjid ki ladai me pis raha hai. Mai nahi manta hu ki ek aam hindustani is tarah ki bayanbazi se sahmat honge. Mai bhi ek hindu hu lekin sabse pehle mai ek hindustani hu. Aur mera ye manna hai ki Hindustan pe har us vaikti ka haq hai jinhe hindustan se prem hai aur jo tirange ka dil se samman karta ho. Aur desh me shanti aur aman se rehna pasand karta ho, chahe wo kisi bhi dharm ya samuday se ho. Aur har us vaikti ko desh se ghasit kar bahar fek dena chahiye jo desh me rehkar bhi desh me shanti bhang karane ka prayas karta ho.

Beshak hindustan ek hindu pradhan rashtra h aur humari sanskriti hi humara pehchan h. Lekin hume apni sanskriti ka samman aur raksha ek sachcha hindustai bankar karni h na ki hindu ya muslim bankar. Dharm hume desh aur logo ko jodne ka sandes deta h lekin aajkal kuch asamajik tatwo ki wajah se ye desh ko baar baar todne ka koshis kar raha h. Jabtak hum aise asamajik tatwo ko sabak nahi sika dete tab tak hindustan sahi mayno me aajad nhi ho sakta h. Sach to ye hai ki mandir masjid ki ladai aam logo ki ladai nahi hai. Ye ek rajneetik ladai hai jisme aam log mar rahe hai. Ye sampradayik ladai tabhi khatam hogi jab desh me rajneeti me pavitrata aayegi. Aur ye pavitrata hindu ya muslim bankar kabhi nahi aa sakti hai.

Mera manna hai ki kyu na ek naya experiment kiya jaye. Mandir masjid ki jagah Bharat mata ka mandir banaya jaye. Sirf ye ek jagah bacha hai jaha sabhi dharmo ke log ek saath aa sakte hai. Tabhi dharm ke naam par ye ladayiya khatam ho payegi aur ek sachhe deshbhakt ki pehchan bhi aasani se ho payega. Aaj halat aisi ho gayi hai ki koi Ram ke peeche to koi allah ke peeche aur koi Sai ke peeche bhaag rahe hai lekin bharat maa ke peeche bhagne ke liye kisi ke pas samay hi nahi bacha hai. Agar sach me dekha jaye to humare border pe baithe jawano ke alawa bahot kum log hi bharat ma ke bare me sochte hai.  Agar sochte to desh me kabhi asanti ka mahoul paida nahi hota. Mujhe lagta hai ki unlogo ko khaskar humare rajnetao ko border par khade humare jawano se desh bhakti ki traning leni chahiye jo ki sirf desh prem ko hi apna asli dharm mante hai. Chahe wo kisi bhi dharm ka kyu na ho. Ab samay aa gaya hai ki hum sab bharat mata ki saran le, unki puja kare tabhi sachmuch ek khushhaal bharat ka nirmaan ho payega.

Jai hind.


Advertisements