Dowry system – दहेज़ प्रथा – महिलाओं के प्रति हो रहे अपराध का जड़


Sarkaren chahe kitni bhi badal jaye lekin desh me achhe din tabhi aa sakte hai jab humare samaj me achhe din aayenga. Aur ye tabhi ho sakta hai jab humara samaj apni purani ghisi piti soch aur riti riwaj se puri tarah se mukt ho jayega. Aaj humare bharat desh ke kayi aise bade bade samashyayen hai jinse desh jujh raha hai. khashkar mahilaon ke suraksha ke sambandh me. Ye samashyayen aisi hai jinpar sarkar gambhir hokar kaam to kar rahi hai lekin mujhe aisa lagta hai ki sarkar in samashayaon ka jad ko nahi samajh paye hai. Aaj desh me mahilaon se jude apradh din pratidin badta ja raha hai. chahe wo chhedchhad ho ya balatkar ho ya bhrun hatya (female) ya dahej pratadana ya fir ladkiyon ki soudebazi.

Aisie samashyaon ko rokne ke liye sarkar aur sansthaon dwara bahot upay kiye ja rahe hai lekin firbhi hum aisi samashyaon se nipatne me asaksham sabit ho rahe hai. aur ye din pratidin badta chala ja raha hai.

Dosto maine in sab samashyao ke bare me gambhir se socha aur paya ki in sab samashayon ke liye ek aisa samadhan hai jinko agar sarkar aur samajh milkar gambhirta se soche aur inke liye naya kaanoon banaye aur saath hi saath samaj me jaagrukta failaya jaye to mai samajhta hu ki aisi gambhir apradhao se kafi had tak kabu paya ja sakta hai.

“Dahej pratha”

Ji ha dosto yehi wo jad hai jo mahilaon ke prati badte apradh ke liye jimmedaar hai. agar sarkar aur samajh dono saath milkar is gambhir samashya se nipatne ke liye utit aur sakht kadam uthaye to mujhe pura vishwash hai ki aaj samaj me ho rahe mahilao me prati apradh me kami aayegi. Inke liye mai aapko aage vishtar se samjhane ka koshish kar raha hu ki ye kaise sambhav hai.

1. Bhrun hatya (female): Ye ek gambhir vishay hai aur inpar hume gambhirta se sochne ki jaroorat hai. aap mane ya na mane yehi sachai hai ki bhrun hatya ke peeche mukhya karan hai desh me varsho se chale aa rahi ku-pratha dahej pratha. Dahej dene ke dar se aur dahej lene ki chah me in dono karano se aaj humare desh me bhrun hatya jaisa apraadh ho raha hai. Sabse sharm ki baat to ye hai ki kuch pade likhe log bhi asisi ginoni kaam karte hai. humare samaj me shadiyan to aisi hoti hai jaise shadi nahi souda
ho raha ho. jab bhi kisi ki shadi hoti hai to log sabse pehle yehi puchte hai ki kitne me tay hua (matlab dahej kitna mila) ? ladka kaisa hai ye sawal to baad me pucha jata hai. Shadi ke baad bhi ladke walon ke taraf se aise aise farmaisen hoti hai ki maa baap use pura karte karte ant me ye sochne ko
majboor ho jate hai ki hume bhagwan ne ladki kyu diya. aakhirkaar ladki bhi pareshan hokar kayi baar aatmhatya tak kar leti hai. Aisi ghatnaye aajkal samaj me aam ho gaya hai isi ku-riri ke chalte aajkal ma baap ladki pida karne se darte hai. kyuki unke paas dahej dene ke liye paryapt dhan nahi hota hai. Gaon me mushkil se log apna aur parivar ka gujara karte hai aur agar aise me unke ghar me beti paida ho jaye to sochiye unka kya haal hoga. kaise wo beti ke dahej ke liye paisa ikaththa karenge. Log apni puri zindagi ki mehnat ki kamayi dahej me de dete hai. aur jab unka budhapa aata hai to dar dar thokar khane ko majboor ho jate hai kyuki beti to sasural me majboor baithi hoti hai aur beta to sona hota hai unka mol chuka pana mushlil hai wo to ma baap ko nahi dekhenge to bechare kaha jaye. ma baap ko bhi pata hota hai ki budhape me beta hume bahar ka rashta dikhayenge aur beti se hi unhe pyar milega lekin ye jante hue bhi ma baap beti paida karne se darte hai. kyuki budhape ko to wo jhel sakte hai lekin dahej ke karan wo beti ko sasural me diye jane wale tane aur utpidna ko nahi jhel sakte. isse achha to
ye hai ki beti paida hone se pehle hi maar de. Na hi beti hogi aur na hi dahej ke karan beti ko zindagi bhar ka dukh jhelna padega.

2. Chhedchhad aur balatkar: Agar dahej pratha ko puri tarah se roka ja sake to log bhrun hatya nahi karenge. Maa baap kabhi bhagwan se ye dua nahi mangenge ki he bhagwan hume ladka hi dena kyuki ladke se unhe dahej milega aur ladki hone se unhe dahej dena padega. balki maa baap khud chahenge ki unke ghar beti paida ho taki jab beta unhe thukra de to beti hi unhe sahara de. aur aisa tabhi sambhav hoga tab ye dahej pratha puri tarah khatam ho jayega aur ladka aur ladki me bhedbhaw khatam ho jayega. Jahir hai
jab dahej pratha hi khatam ho jayega to ladko ko bhaw kum milega aur log ladki paida karne se darenge nahi aur fir is tarah se ek din aisa aayega jab bharat me bhi sex rasio me samanta aayegi. aur jab aisa ho jayega to log mahilao ko kabhi apne se kum ya kamjor nahi samjhenge. samaj me ek bahot bada manovaigyanik badlaw aayega aur fir Chhedchhad aur balatkar jaise apradh swata kum hota chala jayega aur fir ek din aisa bhi aayega jab log mahilaon ka ijjat karenge aur bhakshak bi rakshak ban jayenge kyuki us waqt tak samaj aur unki soch badal chuka hoga. Chhedchhad aur balatkar jaise apradh aisi samashyayen hai jo samaj ki ku-riti aur ghatiya soch ke karan pida hua hai aur ise manovaigyanik tarike se hi hal kiya ja sakta hai na ki sirf kanoon ki darr se. aaj samaj me ladko aur ladkiyon me bahot bada
communication gap hai jinki wajah se aisi apradh ho rahi hai. insan ki ye fitrat hoti hai ki jis chij se aap use door rakhne ki koshish karenge utna jyada wo use pane ki koshish karega. isliye jaroori hai ki ab samajh is ghatiya soch se bahar nikalkar aaye aur is lodko aur ladkiyon ke beech is communication gap ko door kare.

Ek swasth aur apradh mukt samaj ka nirmaan tabhi sambhav hai jab samaj ke har warg ko samanta ka adhikar prapt ho. samaj me jati ya mahila aur pusushon me bhedbhav na ho.

Doston main samaj me fali in ku-prathaon aur soch me ghatiyapan se bahot aahat hu isiliye main apni man ki vyatha aapko is blog ke madhyam se vakt kar raha hu. agar aapko mera post pasand aaya ho to apna feedback jaroor digiye aur agar galat laga ho to uska nindaa bhi jaroor kigiye kyuki ye ek pathak ka haq hota hai.

Advertisements

4 thoughts on “Dowry system – दहेज़ प्रथा – महिलाओं के प्रति हो रहे अपराध का जड़

  1. Dost mai jald hi is jall ko palatne wala hoon aab ladki nahi ladke provaide karaigai aisay samaan . Mard hai ladke or ladkiyo se dahej lete hai . Yai dekho mard ki pehachan.
    Sarm aani cahiye aise logo ko jo mard kahte hai apme aap ko .
    Or dahej lete hai ladkiyo say .

    • such kaha apne par iske jimedar ham jaise ladkiya bhi h jo chup-chap badi khushi se mandup p jati urrr aise samajik vish parmpara ko apnanati h
      kai logo ka to y jabab hota h ki society kya bolegi….m khud example hu,….sub kuch jante hue bhiii ek chup ……

  2. such kaha apne par iske jimedar ham jaise ladikiya bhi h jo chup-chap badi khushi se mandup p jati urrr aise samajik vish parmpara ko apnanati h
    kai logo ka to y jabab hota h ki society kya bolegi….m khud example hu,….sub kuch jante hue bhiii ek chup ……

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s